Le Viet (已結業)

呢间餐厅系食越南菜，加上食物味道唔错，份量大份，所以成日都会黎。今日就约咗2个大食既朋友仔黎。🍴 去骨海南鸡 (半只)鸡肉非常嫩滑，加上去咗骨，啖啖肉好正配上酱汁食，甜甜酸酸仲有小小辣，非常开胃又惹味。底部仲有椰菜，配埋一齐食感觉冇咁油腻。🍴 越式咖喱软壳蟹配法包首先要讲讲个法包，并唔系普通面包店买既硬弸弸法包，而系外脆内软，法包入面好软熟，仲要系热既，再淋上咖喱汁食，法包吸满咖喱香味，微辣小小甜甜地，非常唔错。而软壳蟹亦炸得好香脆，咬落仲有蟹肉汁。🍴 超载椰青焗饭好！大！份！上枱时系有夸张既感觉。椰青内外都充满海鲜椰汁饭，而味道方面，椰香味非常足够，又唔会好漏。配料亦非常丰富：大虾、墨鱼仔、粟米粒、青豆、提子干、红萝卜粒。整体感觉好满足。