河內越式料理 (西洋菜南街)

营业中

休息中

今次试咗旺角嘅一间越式料理。入到舖头，地方都唔算话好大，但都坐得算舒服，座位空间都好足够。今次嗌咗两个主食同埋一个小食拼盘。自己就嗌咗个极品牛三宝Pho, 朋友就嗌咗个炸软壳蟹捞檬。个Pho 份量几大，卖相相当唔错。而三宝嘅生牛肉牛展同牛丸都各有各好味，不过个人最钟意食牛丸，弹即得来好有牛味。汤底偏清淡，加返少少辣椒同埋青柠汁吊味啱啱好。捞檬亦相当好食。炸软壳蟹嚟到仲系几脆几香口，葱同埋芫荽都俾得好多。辣鱼露系摆枱面自己落嘅，可以跟自己嘅口味落多啲或者落少啲。而檬粉都十分之爽口。小食拼盘就包括咗大部分嘅小食， 有春卷、米纸卷、虾饼、鸡翼同扎肉。嚟到嘅时候全部都热辣辣，明显系即叫即炸！味道方面全部都相当唔错，想每样食啲嘅人嗌呢个拼盘就啱晒。饮品方面就叫咗杯龙眼冰同埋冻华田。大大杯，几抵饮！总括嚟讲，喺旺角如果想揾啲抵食又饱肚嘅越南菜，推荐呢间俾大家可以试吓。