Ha Noi 越南菜

营业中

休息中

去开尖沙咀食晚饭，晚餐时间唔需要等位，二人餐好似好抵食，$198有两个粉面、一个小食、一碟菜、同两杯饮品。叫咗一碗生牛肉汤河，嚟到好大碗，牛肉好淋，河粉好多，朋友都食唔晒，河粉质地正常，唔会话好嚡，亦唔会话好粉，又唔会煮得过龙，汤底味道正常，唔会话太咸。另外叫一个香茅猪扒捞檬，猪扒正常size切咗五件，猪扒煎得好香，肉质好腍，咬落唔会太干，另外仲有啲萝卜丝配菜，加上捞檬汁清新可口。小食我哋叫咗鸡翼，鸡翼有四只，腌左燃后炸香的，唔会话太干，亦唔会好Juicy，水准正常。送嘅一碟菜系生菜，甜甜地都系正常味道，整体嚟讲都几好食，亦都好抵食，因为实在食唔晒。饮品我哋叫咗一个红豆冰，一个芒果西米露，嘢饮上到嚟系一大杯椰汁加冰，红豆得少少，搅匀咗之后饮落冇乜红豆味，而芒果西米露，得几粒芒果同一啲西米，亦都系一整杯椰汁，饮落冇芒果味，有椰汁味同西米露嘅口感，所以饮品我哋都觉得麻麻地。整体感觉都好抵食，只要唔饮嘢汁冰类嘢我谂就好好多 。