越火越式湯粉 (已結業)

劲耐冇食越南菜，越南菜最优胜之处莫过于用一个十分便宜嘅价钱食到越式美食，而且多数味道都吾错。有位亲戚喺西环番工，最近就介绍咗我去一间越南餐厅食野，近近哋去试吓都无妨。首先叫咗个牛三宝汤粉，有生牛肉、牛腩、牛丸，生牛肉好淋，牛肉味香浓，吾错㖞。牛腩就还好，就有嚼劲，但算系偏硬咗啲。牛丸几爽口，牛骨汤底味道浓郁，整体黎讲都好味。炸虾饼数量吾少，每一块都偏淋，不过呢个正正都系越式炸虾饼嘅特色，虾肉香口，点埋甜酸酱更开胃。另外叫咗份香茅猪扒汤粉，转咗檬粉，中意檬粉爽口啲。香茅猪扒香茅味吾算好重，都整得几香口。汤檬汤底充满越式风味。青柠薄荷梳打口感十分清凉，冬天饮真系另一种享受🥶味道酸甜好开胃，适合为本身偏向油腻嘅越式食物解腻。椰汁冰够冰冻🥶椰香味重。