影片
更多
2021-10-11
754 浏览
.📍光荣冰室📍 #馒头去荃湾 #馒头的港味道跟 @calorieswithmic 揾食💒学教主话斋，减肥都要俾自己休息下，更何况揾姨妈嘅路途可能会会增肥， 既然系咁就唔好畀咁大压力自己，放心咁食好西啦😂，只要心态好，份量控制得当，一切都会变好的。------------------------------开心浩园餐 ($50)葱油鸡扒饭加三只太阳蛋(俗称三眼仔🤓)，好大碟，完全冇偷工减料。葱油鸡扒比3大只太阳蛋遮住，满满嘅蛋白质。太阳蛋煎得好靓🍳，做到半生熟流心嘅效果😍；蛋黄颜色比一般蛋深色，食落去爆浆咁济，成个口都系浓郁嘅蛋香😋；个人建议一只就咁食两只用嚟捞饭。鸡扒差唔多有我成块面咁大，而且都Ok厚肉，冇好大阵雪藏味，外皮煎得香脆👍🏻，又唔会觉得好热气；肉质方面，边边位有过干过硬嘅情况，但食到中间都算有汁嘅，啖啖肉嘅感觉真好🍖🤤，整体不过不失，但咁大块我都好满足。鸡扒上面淋上嘅葱油份量唔算多， 所以香得嚟唔会太咸同太油，足够用嚟捞饭，再加埋蛋同衰多嘅甜豉油，令成碟饭更香味道更丰富💯，真系好吸引，令我忍唔住一啖接住一啖。但比较可惜嘅系饭就偏淋，不过未去到好湿润，系可以接受嘅👌🏻，因为本
📍光荣冰室📍 #馒头去荃湾 #馒头的港味道
跟 @calorieswithmic 揾食💒
学教主话斋，减肥都要俾自己休息下，更何况揾姨妈嘅路途可能会会增肥， 既然系咁就唔好畀咁大压力自己，放心咁食好西啦😂，只要心态好，份量控制得当，一切都会变好的。
------------------------------
开心浩园餐 ($50)
葱油鸡扒饭加三只太阳蛋(俗称三眼仔🤓)，好大碟，完全冇偷工减料。葱油鸡扒比3大只太阳蛋遮住，满满嘅蛋白质。
太阳蛋煎得好靓🍳，做到半生熟流心嘅效果😍；蛋黄颜色比一般蛋深色，食落去爆浆咁济，成个口都系浓郁嘅蛋香😋；个人建议一只就咁食两只用嚟捞饭。
鸡扒差唔多有我成块面咁大，而且都Ok厚肉，冇好大阵雪藏味，外皮煎得香脆👍🏻，又唔会觉得好热气；肉质方面，边边位有过干过硬嘅情况，但食到中间都算有汁嘅，啖啖肉嘅感觉真好🍖🤤，整体不过不失，但咁大块我都好满足。
鸡扒上面淋上嘅葱油份量唔算多， 所以香得嚟唔会太咸同太油，足够用嚟捞饭，再加埋蛋同衰多嘅甜豉油，令成碟饭更香味道更丰富💯，真系好吸引，令我忍唔住一啖接住一啖。但比较可惜嘅系饭就偏淋，不过未去到好湿润，系可以接受嘅👌🏻，因为本身会捞豉油同蛋浆，如果可以做到粒粒分明嘅话口感就更好。
饭同𩠌份量都好多，好抵食性价比高🙈。其实一个女仔食就应该要嗌少饭，不过我本身胃口大，加上今日day off，有时间慢慢食，所以就咁KO咗一个餐🤘🏻。
跟餐嘅奶茶茶底好浓☕，涩味充足，奶味就差啲，所以唔够香滑，但已经比一般嘅茶记出色好多。
------------------------------
整体评分：7.8/10
小编回头率：7.5/10
又黄又抵食💛，质素中上，店员服务态度都好好，上菜𠮶阵特登递支豉油比我，唔怪之得咁多人排队。
果然跟教主揾食系冇错嘅，今餐我好享受，阿门😌🙏🏻。
开心浩园餐
$50
112 浏览
2 赞好
0 留言
张贴
