泰廳 (已搬遷) 新店位置

虽然成日去元朗，但系元朗觅食就真系好少，难得一次当然要食番个好西，结果就做住个巨型灯胆咁拣左泰厅。因为系平日，所以基本上都唔驶等位，我地叫左一个细既小食拼盘，泰式炒杂菜，冬荫冬（大），咖哩虾，柚子沙律同蒜蓉包。 大概10~15分钟到，所有食物都陆续上齐，基本上每一碟上嚟嘅时候第一个感觉都系巨，因为真系非常之大份，特别系个小食拼盘，最初都同朋友喺度谂紧要个细好定大好，但为左可以点更多既野就决定叫个细既，可以后可能会嗌一啲再嗌其他嘢食呢我哋就住个细嘅 但我哋发现佢起码出面既大份3分1，选择亦好多，有香叶鸡，虾饼，鱼饼，沙嗲鸡＆牛同春卷，虾饼非常弹牙，鱼饼亦非常香，但我最钟意系个沙嗲，调味刚刚好，肉质又唔老，最紧要系个汁超好食。冬荫功汤亦非常唔错，虽然我本身钟意再酸d，但其实佢本身酸辣香味就平衡得好好，而且入面有好多虾同菇，而虾亦唔系虾毛黎，最后个汤系我包底w不得不说既仲蒜蓉包，其实本身对佢无我特别期望，因为纯粹系为左点汁，但上枱后发现佢又系好大堆头，而且系即烘，唔驶食已经闻到好香既蒜蓉味，期望值大增，食落去唔会过咸，亦唔会话太薄点完汁后会林哂或者食到好狼狈，绝对系encore之作。