新樂園魚蛋粉

营业中

休息中

今日放假懒得煮饭食，决定落楼下食碗牛腩河新乐园鱼蛋粉除咗有粉面之外，仲有饭餐同小食👍🏻餐厅设有卡位，同一般茶餐厅格局差不多，环境好大，坐得都几舒服。我叫咗一碗牛腩河，落单之后好快上菜。牛腩河排得整齐，牛腩口感似爽腩，搬肥瘦嘅牛腩，口感软淋。每件牛腩都有厚度，唔会太薄，份量都几多👍🏻钟意食辣嘅可以加少少辣椒油。河粉份量都好多，唔算煮到太淋，汤底咸咸地有少少牛腩汁，配葱花一流！另外我妈叫咗鱼蛋米，转鱼面。好少潮州粉面有鱼面可以转，呢度嘅鱼面系手工制，感觉爽口！鱼蛋都几爽口唔错！另外加咗小食鸡翼，即叫即炸好香口！