越味皇 (已結業)

夏天热辣辣，有时无胃口食饭个阵我地都会去食越南汤粉，有汤嘅粉面开胃啲而且更容易入口。我地直接拣左餐厅推荐嘅一人套餐($62)，包沙律、单拼粉面同冷热饮品一杯。男友则单叫左一碗蟹膏汤蒙同一份牛油鸡翼。一人餐前菜我地叫左越式酸辣凤爪沙律，味道醒胃，凤爪份量比想像中多而且无骨，啖啖肉好岩懒人食。牛骨清汤猪颈肉汤蒙牛骨汤好清无咩油，面头放有大量金不换令汤底更香，蒙粉食落颇为爽口。猪颈肉比较油同湿，无左种香烤的口感，本身肉味不足调味亦都唔太够，不过不失。蕃茄汤底非常浓郁，仲有阵阵蟹膏香，食落非常之开胃，好岩夏天食。牛油蒜蓉鸡翼鸡翼即叫即炸，上枱个阵仲系热辣辣，每只嘅size到有返咁上下大，所以几抵食。外皮炸到脆卜卜好香口，入面就仍然保持juicy嫩滑。牛油味香浓比较特出，钟意食蒜嘅我觉得如果蒜味再多啲会更加好味。