韓牛牧場 (已結業)

1++韩牛韩烧定量午市餐（二人份） $238定量韩烧包括有牛肋骨肉、牛肩胛、五花腩、鸡腿肉、虎虾同青口。肉类肉质鲜嫩，红白颜色分布比例匀称，虎虾鲜甜弹牙，青口加左牛油食落香口唔会干身。食烧肉最怕油烟大，餐厅用嘅系韩式光波烧烤炉，无烟之余仲有自动旋转烤盘，烤肉嘅时候好方便。餐桌纸仲写咗食材预计烧烤时间，好岩我依啲唔识煮嘢食嘅人作为参考。~~~大酱海鲜豆腐汤饭 $78海鲜汤好足料，虎虾、青口、扇贝、鱿鱼圈全部都有两件或以上，仲有豆腐、白萝卜、粟米等配菜，份量好足。而汤底味道比较清，唔会盖过海鲜嘅鲜甜，亦唔太咸，用嚟泡饭或者直接饮都可以。~~~沙律、前菜同饮品都系自助式嘅，十多款前菜小食同生菜都系任食，饮品就以罐装为主。