餃子坊

营业中

休息中

路德围出名多好嘢食，今日突然想食饺子，见呢间「饺子坊」唔贵又多选择，就一于黎试下。餐厅有八款饺可以选择，可以拣汤饺或煎饺，亦可以双拼，今日要咗粟米饺拼香菇饺，再加个酸辣云耳小食。同师傅倾开，原来已经有十几年包饺子经验，每粒饺子都系每日用鲜肉新鲜即包，保证够晒足料鲜味。酸辣云耳 :云耳够清爽，味道酸酸辣辣，非常惹味，配菜仲有洋葱丝同辣椒粒，够晒刺激，作为开胃小食一流。粟米饺 + 香菇饺 :饺子好快就送到，饺子大大粒，卖相非常吸引。食饺子前当然要先试试汤，一碗好味嘅汤绝对可以为饺子锦上添花，汤底鲜甜无味精，配饺子食最适合。粟米饺皮够薄，猪肉馅饱满，粟米鲜甜爽口，味道清清地无咁腻。香菇饺入口好香，有浓浓嘅菇味，香菇切得细细粒够淋，同粟米饺比又系另一种唔同嘅风味。食完饺子饮返支豆浆，感觉份外满足。