餃子坊

营业中

休息中

路過荃灣路德圍，我們叫咗兩個雙拼10隻湯餃，另外叫咗10隻雲吞。湯餃味道正常，湯夠熱而且好味，size偏細，不可另外加麵底，六隻餃子才可以加面底，反而10隻冇得加？沒有列出麵的選擇，有點奇怪。雲吞10隻，雲吞皮仲大塊過餡，個雲吞豬肉餡細過港幣一毫子銀，鹼水味好重。$30 /10隻，好唔抵。客人不絕，環境有待改善，落單員好有禮貌，而且快手，值得欣賞，如果可以唔用紙碗或即棄餐具，就最好。不過，我仍支持小店。

收工想食得清淡啲，就試吓呢間餃子店，落單個陣同店員講左要雙拼餃子，加一份涼皮，一分鐘後佢掉低單，我見到打單打左十件，我就舉手同佢講唔好意思我係要七件的雙拼，跟住佢好大聲咁下我，我想講，落單個陣佢又冇問，我以為佢見我叫的野知道份量，唔緊要，當係我冇主動講，等左十分鐘，到佢拎啲野食黎時，係掉係我面前，好似劈比狗食咁，近年食咩大小餐廳都無見過態度咁差，我幾年都唔會寫一次Openrice 食評，但個中年短髮女店員真係太離譜！講番食物，餃子ok,皮薄，但涼皮唔得，未食過呢個口感的涼皮，味道都怪怪地

琴日夜晚想食餃子，上網搵到喺路德圍呢間餃子舖不過見食評好壞一半，不過都諗住試吓先！我哋坐低睇咗餐牌一陣，跟住有個女店員就問我哋食咩，我哋話轉頭先，跟住佢就話嘩咩仲未諗完呀？其實我嗰刻已經想走，不過我朋友話算啦照試吓食呢間我哋叫咗湯餃子同埋煎餃，老實講，佢啲湯餃係OK嘅，特別係芫荽餃味道幾好，不過啲皮就易散煎餃就正正常常油咗少少環境我唔期望係啲好好，但係我見有幾隻烏蠅飛來飛去，總括嚟講如果態度差嘅我下次都唔會幫襯。

味道不過不失既但係，可以食3次，3次都落錯單真係搞唔掂之後唔會再去由其飯鐘遇到理個情況，煎餃上左湯餃芝士餃上左粟米餃明明都覆左單同我，都可以落錯都唔知點防止理個問題。第一次食個時，遇到個有口音既呀姐，態度差。之後第二次外賣。返到屋企落款式，已經算。今次遇到另外一個單又落錯，仲食食下放低玩個手機，問都唔問打算收走啲野食真係啞左層出不窮

基本上係每晚嘅飯堂 湯餃嘅湯清清淡淡 加埋韭菜餃嘅味，簡直係一流而且30幾蚊七隻價廉物美 啱啱試埋黑松露煎餃 好香黑松露味雖然貴少少 但係食得出係真材實料 相信如果改成湯嘅話可以化解佢嘅膩🤣

雖然價錢唔算貴 煎餃🥟會好食啲 不過態度真係不了 竟然係度喝啲客😅環境方面 都幾迫😅 佢似係做嘢做到厭世😵‍💫貼錢買難受😵‍💫 仲要受氣 真係唔會再有下次了一於lm睇下幾時俾人鬧爆🤔不過如果真係要食嘅話，芫荽湯餃同埋芝士煎餃會比較好講真有其他餐廳開 真心唔建議嚟呢度

餃子癮發作～ 還好是想吃餃子的那天人就身在荃灣區，這裡從不乏餃子店也吃過幾間，來到路德圍就來試試別的餃子店吧！雙拼餃子：韭菜餃 X 粟米餃 $32/7隻 $43/10隻餃子多數喜歡吃韭菜跟粟米兩款，而且還要配湯餃，這裡吃可以雙拼而且價錢親民！有7隻跟10隻可選，客人可以按食量而定～ 每次都吃湯餃，店家的湯頭味道清淡，聽說是用了江珧柱跟魚骨熬製，只喝到點點肉味而已也看不到湯料但可以說不是味精湯！餃子比想像中還要大隻飽滿，皮薄透餡有咬口，餡料用上新鮮肥豬肉，咬起來有肉汁跟油脂香，肉質亦較嫩也彈牙；配滿滿的粟米跟韭菜，兩款吃起來都是味道濃郁口感層次豐富，好吃程度也比想像中高呢！店家在食肆、小店林立的荃灣路德圍內，知道這裡的朋友都知道這裡的食品種類多，而且豐儉由人；要在這區保持競爭力要食物的性價比高才可以，而這店售賣的餃子款式不算多也不花巧，但全都是每天新鮮製作！這店位置在泊車處附近，平實的裝潢如傳統的港式粉麵店般，餐具全都是即用即棄，湯餃用發泡膠碗煎餃用紙碟等，雖然大大減省清潔成本也絕不環保，不知下兩個月全港禁用這些即棄餐具那時這店的定價會否增加～ 另一樣會讓人猶豫會否到訪堂食就是店內抽風系

Menu吾多主打8款餃子，可選湯餃或者煎餃，兩樣同樣出色😋 🥟6粒湯餃加埋麵底$43每隻餃子啲餡料都好飽滿，鍾意爆汁嘅感覺建議要煎餃(加$3)🍳 碗湯見到好多瑤柱碎，問返店員先知原來湯底係用瑤柱同魚骨熬製，絕無味精‼️🌶️不得不提佢哋嘅「菜脯辣油」非常之香口，完全將湯底昇華，辣度吾算高🥟餃子坊📍荃灣路德圍26-28號安富大廈地舖(港鐵荃灣站 A1 出口, 步行約5分鐘)

係路德圍附近 小店 唔算好多位有9款餃子 部份餃子雙拼唔使加錢10粒 韮菜餃+粟米餃 ($43)隻隻都幾大粒 清淡但唔會冇味食落感覺幾健康 個湯都係純清湯相比下 韮菜餃好食d香d粟米餃味道冇咩特別 正常～食十隻大大餃子都好飽😎

嗌咗三款煎餃🥟 分別係韮菜、芝士同埋松露❤️三款都煎得好食，做到外脆內軟，最正係芝士🧀 口感幾特別幾好👍🏻 佢松露就做唔到嗰種味，因為佢係一pat整落去，無溝勻🥲 所以麻麻地🤔佢呢到啲食物整體嚟講都好食嘅，但服務質素真係好麻麻🥲 本身三碟上枱嘅時候，同行人就叫嗰男職員俾嗰碟仔裝醋，佢叫我哋臨落去🥲 因為我接受唔到，咁我就將三碟變兩碟，拎咗嗰碟嚟裝醋😅 但因為我個人比較麻煩🤣 所以我就都係要嗰碟夾嚟自己身邊食，點知我一問佢就俾咗嗰豉油碟我😅 咁點解你頭先唔俾🥲 直接臨落去會影響口感🥲其實佢嘅嘢食真係okay，佢衰在就係服務都有啲污糟😅

本身諗住收工食好嘢點知嗰間嘢又熱我點嘅係湯餃湯底冇乜味，啲餃子嚟到仲要爛荃灣咁多間餃子店，呢一間都算難食服務態度又唔係咁好所以唔係咁推介呢間嘢又貴又唔好食又熱想試伏就去試吓

說到荃灣區有名的餃子店，相信很多人第一時間都會聯想到位於荃昌商場的餃子屋，今次小編想介紹一間相對少人知道、位置方便的餃子坊。餃子坊位於路德圍一帶，可惜門面並非對著大街，一心想來掃街的人未必知道，頗有隱世的意味。餃子坊的單點餃子有分7隻/10隻為單位，可湯可煎可雙拼，還有其他小食。所有餃子都是人手包的，一進門口就見到幾位姐姐在包韭菜餃和粟米豬肉餃，每隻餃子都真材實料。韭菜餃(煎) $46/10隻韭菜餃皮薄餡靚，煎得香脆，十隻餃子的顏色都好均勻，餡料帶點肥豬肉，咬起來有肉汁。內裡還有好多韭菜，每一口都是豬肉的肉汁和韭菜的爽口，加上香脆的外皮，層次豐富。雙拼湯餃 (粟米豬肉餃+牛肉餃) $48/10隻首先必須先說一下，湯底不是味精湯，口味略清淡，有點排骨的味道，很對味。粟米豬肉餃不用咬開，單看外表已經看到不少粟米粒，十分足料。餃子放湯的話沒有像煎餃一樣有爆汁的感覺，但吃起來是滿口豬肉的滿足感。另外還點了牛肉餃，這款餃子很罕有，絕對是世一的餃子！帶點牛肉的味，喜歡的人會非常喜歡這款牛肉餃子。淨麵 $18麵條是幼麵，湯底和湯餃的湯底不一樣。麵的湯底較濃味，讓人單吃淨麵也不會覺得好淡口。手拍青瓜

荃灣發現左間好正嘅餃子店，係路德圍行行吓就聞到好香嘅煎餃味，忍唔住買咗個餃子外賣🤤食完發現係真材實料，聽師父講已經包咗10幾年餃子，全部餃子都係每日即包，肉餡全部都係鮮肉整成🥟🤣今次我就叫左◽️松露煎餃7粒 $65煎到超香，超級脆口，一d都唔覺得油膩，點埋醋食好開胃😋松露味好重好香，超足料，內餡肉質鮮甜，皮好薄，唔會覺得好厚粉👍🏻好出色😋◽️韭菜餃 7粒 $32浸湯餃子，但係一啲都唔會糊，皮薄有咬口，好滑，韭菜味超香，肉餡好豐富👍🏻推薦大家試試整體嚟講呢間餃子好正，粒粒餃子都超大隻，而且皮薄餡靚，會再去幫襯🤗💕👍🏻

中意食餃子嘅我發現荃灣路德圍開左間餃子屋😯，叫佢價錢正常中價位，一於去試下先～可能因為今日落勁大雨，餐廳就冇咩人，我就可以包場不過我最後有D趕時間，所以我都係揀左打包，坐得更加舒服 🙂皮蛋 $20凍皮蛋黎～但都幾有彈性韭菜拼芝士煎餃10隻 $51我雖然放左一陣先食，但過左陣食都仲係有D脆口~相信如果即刻食會更好。餃子2邊煎到好金黃。芝士餃入面原來係有粟米粒，加埋芝士味，都有口感，食落唔太溜😋。另外再叫左10隻牛肉煎餃 $51牛肉有肉汁，比較多筋。個人黎講都係鐘意韭菜餃多D~📍餃子坊荃灣路德圍26-28號安富大廈地舖#eatwithlittleme #foodie #foodiehk #food #hkfoodie #instafood#foodphotography#香港美食 #美食 #美食推薦 #852#hkfoodlover#hkfoodie#foodiehk#foodie#hkblogger#hk #餃子坊 ＃荃灣美食

之前無留意呢度有間餃子店，見有芫荽餃，就叫左芫荽煎餃同韮菜餃外賣。點知嚟到煎餃變左湯餃😢講返食物質素，皮好薄，薄到一夾就散食落口亦無乜芫荽味湯底亦較淡口荃灣區有更多好嘅選擇，唔會再幫襯了