坐忘

营业中

休息中

嚟鲫鱼涌揾朋友，唔知食咩嘅情况下拣咗呢间好多人推介嘅日式咖哩饭。店唔大，座位都唔算多，但六七点嘅时候并唔需要排队。坐低之后见到有手写嘅餐单，据讲每日嘅餐单都会改。冇点最出名嘅猪软骨，我哋一个人拣咗肥牛饭，一个人点咗黑芝麻牛肋条饭，都另外配咗苹果汁。苹果汁六蚊一杯，唔功唔过，只可以话系当水饮。肥牛饭同黑芝麻牛肋条饭嘅分量都好大，我哋两个都冇食完。整体味道唔错，两款咖哩各有特色，一个轻盈一个厚重，都系好日式嘅风格。美中不足嘅系黑芝麻嘅味道唔浓，更偏向于系黑黑椒嘅味道。不过牛肋条肉好香，有牛油嘅醇香。食完之后埋单唔使加一，呢个价钱喺鲫鱼涌算得上系平价实惠，适合当工作餐同同事两三个人嚟食食快速解决一餐。