大和粉麵

营业中

休息中

平时搭车去上水，通常都会系火车站落，咁岩今日想去彩园邨买d野，就坐到去总站啦，一落车就见到呢间小面舖。餐厅系屋邨入面，唔系搭开巴士都几难揾得到。车仔面𩠌普遍都系六蚊一款，牛腩同大肠就贵d要十二蚊。除左有车仔面外，亦有肠粉炒面等等，价钱都唔贵。今日叫左三𩠌面，分别系猪皮，咖喱鱼蛋同萝卜，面要幼面。面质都几爽口，唔会煮得过淋，𩠌份量相当多，鱼蛋够弹牙，萝卜亦好鲜甜，再配埋惹味既咖喱汁，话咁快就成碗食晒。由于呢度系街坊小店，所以唔会开到好夜，下次有机会试埋佢d小食先。