大和粉麵

营业中

休息中

食過三四次 都很好食 每次都＄30 甚至＄1X 就食飽午餐 相信 連 Mcdonald 等的快餐店都做不到食左兩次牛腩湯河粉 主要原因是很難再找到咁捨得放料（牛肉）的粉面店 很有肉味 湯甜而不覺油膩店雖小 但夠乾淨衛生 從未見過蒼蠅之類的生物老闆人手少 但之前繁忙時段都可以五分鐘之內整好餐 近乎即叫即食 速度好評 有時還親自收拾桌子 忙忙碌碌見到 D 街坊都會同老闆交談 人情味十足基本上食過後就唔想再食譚仔 呢間附近的譚仔太過分 好像唔記得我落咩單咁 呆坐二十幾分鐘 隱約聽到廚房有爭吵聲 又不好食 最多是不難食的地步近排颱風影響生意 老闆 d 粉不留過夜 替老闆心疼 最大缺點大概是餐桌比較少 沒外面茶餐廳的多 不過有得外帶 fine 同埋就是老闆自言自語得有點嚴重 第三次去時已經習慣了 其實他可以正常交流 對客人都幾 nice 都有禮貌甚至有次我趕時間唔小心態度上做了少少奧客都沒黑我面 大我聲基本上去上水食粉面不會再考慮其他店了

天氣悶熱唔知食乜好，有時簡簡單單一餐當中午都唔錯。今日我就試吓呢一間小店既腸粉餐🥢，睇吓佢到底如何。小小嘅店面放着幾張枱櫈，中午嘅時段好快就滿座🚫，亦都有唔少人選擇外賣。等左陣好快就到，佢嘅麻醬比較稀，食唔出麻醬既味，對於麻醬愛好者嘅我就唔係好夠喉。腸粉都算滑，而燒賣係一般嘅出品，非常值得一提嘅就係佢嘅咖喱魚蛋🍡，辣坊好多咖喱魚蛋都重辣味比較多，而家好少魚蛋仲有咁香嘅咖喱味🥘，仲帶一啲香辣🌶嘅味道，感覺非常驚喜過癮。下次要再嚟幫襯佢嘅咖喱魚蛋！至於豆漿我唔清楚係咪自家製🥛，味道比較甜帶少少豆香味，都可以接受。-

上水僅有的小店在彩園商場地下 巴士總站旁 這裡有最傳統的香港風味，還有很多人兒時回憶這裡可堂食、可外賣拎走堂食有數張枱凳腸粉餐$27腸粉、魚蛋、燒賣 甜醬、麻醬、芝麻加埋一張腸粉紙、兩枝竹籤 這就是最傳統的香港小食 腸粉軟滑 讓人吃不停口跟餐可配樽裝豆漿、奶茶 好多時三、四點去到腸粉已經賣晒。要食的請早！炒麵餐$27豉油皇炒麵 可選粗麵或幼麵配魚蛋 可選咖哩魚蛋或唔辣加埋配絕的甜醬同樣跟餐可配樽裝豆漿、奶茶份量剛剛好。炒麵不會太咸，麵不會乾。即使外賣 ，食的時候也不會乾乾的。

平時搭車去上水，通常都會係火車站落，咁岩今日想去彩園邨買d野，就坐到去總站啦，一落車就見到呢間小麵舖。餐廳係屋邨入面，唔係搭開巴士都幾難搵得到。車仔麵餸普遍都係六蚊一款，牛腩同大腸就貴d要十二蚊。除左有車仔麵外，亦有腸粉炒麵等等，價錢都唔貴。今日叫左三餸麵，分別係豬皮，咖喱魚蛋同蘿蔔，麵要幼麵。麵質都幾爽口，唔會煮得過淋，餸份量相當多，魚蛋夠彈牙，蘿蔔亦好鮮甜，再配埋惹味既咖喱汁，話咁快就成碗食晒。由於呢度係街坊小店，所以唔會開到好夜，下次有機會試埋佢d小食先。

雖然係喺屋村入面，但好食度都幾好㗎！食物種類都唔少，你想食嘅車仔麵嘅食物都差唔多有齊（除咗賣完啦！），再加上即叫即整，所以唔錯㗎！d豆漿都好好味，自製喎！（好似係！）再加上老闆娘好nice㗎，d食物又唔貴，20幾蚊有嘢飲又有餸（車仔麵嘅餸，有平有貴，任君選擇！）再加個麵，超抵！爆Like！

大和粉麵可說是陪伴著我成長小學和中學時代的早午餐都由大和粉麵供應成年後不用外出的日子 想不到吃甚麼的時候都會想起它以前魚蛋1塊錢就有3顆2塊錢的炒麵就可以吃得捧著肚子回家現在物價雖然不斷上漲 但小店依舊價廉物美新鮮白滑的腸粉 6元就有4條加上豉油甜醬花生醬和芝麻 就變成了童年的味道簡簡單單的填飽了肚子 充滿力量又去工作了記得大和粉麵的老闆娘非常細心當時彩園街市還沒被領匯入侵 小店位於街市的一角下課後肚子餓 就去買腸粉吃 老闆娘看到我的手綁了紗布 就特意提醒說受傷不能吃花生醬少了花生醬的味道 卻多了一份心意這就是小店不能被大集團連鎖店取代的理由小店加油

今天去試下位於彩園村的車仔麵,屋邨車仔麵檔通常都特别抵食,呢一檔都唔例外!在門外先看看水牌,一個麵底要$7,其實都算貴,但只要再看看配料價錢,就冇所謂了!魚旦 $2 四粒, 例牌貨式,可以接受獅子狗 $2 二條, 又硬又冇味,下次都係唔點了豬紅 $3 抵食雲吞 $5 兩粒, 好味!!!加埋杯豆漿$3, 都係$22相信除了m記的特價餐,都幾難找到最後老闆娘仲好有誠意地搭多條生菜,認真抵讚!味道雖然不是太過出眾,但絕對係平、靚、正的開飯之選