長旺餐館

营业中

休息中

平日食一个Lunch起码都要40蚊，系旺角呢个闹市，有一间我食左几年都重系唔洗40蚊包饮品既餐厅，就系起旺角熟食市场入面既餐厅。呢到大部份餐厅都好平，不过今日唔想食咁饱，所以就帮衬左车仔面。今日系平日，攞左假出黎行街，搞到差唔多3点先黎食Lunch，呢间车仔面份量Ok，幼面份量偏少，我叫左鱿鱼，鸭肾同埋瑞士鸡翼，瑞士鸡翼有两只，好够味，鸭肾好林，味道都好鲜，鱿鱼正常味道都新鲜爽口既。另外简左咖哩汤，咖哩味唔浓，微辣，都Ok。最抵赞系33蚊包饮品系可以简汽水既，出面买一罐点都要几蚊啦！屋企人叫左油面，份量比较多同埋饱肚，如果好肚饿既建议可以试油面，唔太饿既幼面食完都有5成饱既。另外舖头收银+厨师们都无带口罩既，如果好介意卫生既建议要三思。