黃金車仔麵 (已結業)

前日好热唔想喺屋企煮，就去咗食车仔面。四拼面 $49 面就拣咗幼面，配四款𩠌：秘制辣鱿鱼、甜酸斋、卤水鸡中翼同日式猪软骨。酱汁就叫咗秘制沙嗲汁，食得辣可以叫蒜香麻辣汁。大约等咗十分钟左右就有得食，最钟意食佢嘅甜酸斋同秘制辣鱿鱼。甜酸斋好入味，辣鱿鱼好爽口，必食。下次可以试下其他𩠌。萝卜猪皮鱼蛋 $30另外跟餐加咗个小食，开头以为好细碗，点知系同车仔面个碗一样😂 有四大旧萝卜，萝卜冇渣几清甜。猪皮好淋，鱼蛋索晒咖哩汁，都几弹牙。