黃金車仔麵 (已結業)

外賣咖哩牛腩飯，份量都不少，牛腩大大舊，味道比較港式，咖啡味道都幾濃味都不錯。餐廳都有不少坐位，不過餐廳位置比較隔涉，可能要多些宣傳吸引人流。個人覺得餐廳名令人覺得淨係得車仔麵食，其實餐廳都有其他港式食物，不知會否因此錯失一些客人。

第一次入去食，都抱住一個嘗試嘅心態，嘢食味道都好一般，最重要係員工態度唔好，不斷大聲喝罵客人、由門口大聲叫到入廚房，簡直令食客十分之難受😣有客人叫咗外賣，客人見到佢個餐擺咗喺枱，只係循例問一句係咪OK啦？竟然俾個老細大聲咁話：「見到就拎啦！唔使問啦！」 ————————————————————————諗住寶琳冇乜車仔麵，就入去試下，點知原來係試都唔值得一試，呢間嘢絕對冇下次。————————————————————————

食物真的很普通很普通，街市車仔麵質素，每一樣嘢都放得入口嘅，不過都係食完覺得不如自己返屋企6個公仔麵好過嗰種感覺價錢方面，今時今日都算可以接受啦，食得飽你又唔會覺得唔抵嘅，但係拎住呢個價錢喺其他度食嘢應該會開心少少環境方面就乾淨企理光猛嘅，不過我用手機落單嘅時候唔識得搵啲選項個職員帶住佢嗰個藍色手套好似油琳琳咁就響我部電話上面篤篤篤，我內心係西咗下面的不過唔緊要啦如無意外不會再來～如果成個將軍澳搭返佢一間餐廳開嘅我就會再食囉

3個餸菜嘅車仔麵$50，仲送1支嘢飲，掋啦，味道又唔錯，今次其中一個餸菜試咗佢哋嘅金牌豬手，的確好好味，滷水湯汁都好入味，如果唔係用美團落單要加多$2x仲平😛

寶琳轉咗手嘅車仔麵，終於得閒去試吓😚$44三餸 今次我嗌咗冬菇、蘿蔔、豬軟骨米粉加沙嗲汁同埋咖喱汁米粉份量非常足夠冬菇蘿蔔都超級大粒🤓咖喱汁有驚喜，好惹味🤤餐廳效率幾快，手機落單後唔使5分鐘已經上枱👍🏻回頭率：👅👅👅性價比：👅👅👅👅打卡值：👅👅👅

2023.07.14 early dinner呢一晚唔肚餓，所以揀咗食車仔麵，之前都嚟過呢度，不過已經轉左另一間，好好多！服務員又好人有禮。 大家都揀咗三餸，加$8要咗支菊花茶，其實我哋鐘意食嘅餸唔多，所以揀到嘅都係個幾樣，蘿蔔、豆卜、魚旦⋯⋯上面呢磅我嘅，湯底可以揀mix，清湯+沙嗲，要米粉。下面果碗女友嘅，牛腩湯+沙嗲，要油麵，佢都係要蘿蔔、豆卜，另外一樣要韮菜餃。 沙嗲汁唔夠好正，但整體個湯都ok好味，全部餸嘅味道都唔錯添 😊👍🏼 係豆卜淡左少少🤪後記：依家寫食評先發現好似被收多咗$8添，因為我哋只係加左一支菊花茶，兩碗$44三餸麵+$8，應該$96先啱，但收咗$106🤪

最近嚟到呢度尋找美食，搵到一間很光鮮又近地鐵站的車仔麵。有特色的門面，一定是精心設計的logo快過午餐時段裏面之後都非常多人。滷水大什面 $56包括有滷水豬大腸、潮式滷水腩肉、咖喱豬皮、咖喱魚蛋、清甜蘿蔔、香辣豬紅滷水豬大腸非常入味，不太鹹亦沒有豬蘇味。豬皮有好香的咖喱味，但是不太辣。而豬紅的份量非常多，好滑溜，亦都好香甜沒有豬蘇味！補血的人是要多吃！滷水潮州腩肉好結實，亦都有趙口。肥膏和肉的比例很相近。好食！而蘿蔔很大夠，亦都非常清甜必食！套餐加金牌豬手 $20呢個又係必食推介，近排豬手非常重骨膠原佢的質地不是很淋身，但係非常有膠質，好黏身的感覺👏🏻滷得剛剛好送面一流！凍奶茶茶香奶滑。滿足的一餐是平民區另一選擇。

今日嚟新都城行街，突然好想食車仔麵，上OpenRice睇吓附近有冇，見到附近有間『黃金車仔麵』一於去試吓😋我叫咗4餸車仔麵，有冬菇🍄蘿蔔，牛腩，豬軟骨配薯粉，冬菇炆得好入味，蘿蔔好甜好淋，牛腩和豬軟骨都炆得好淋好入味，薯粉好煙韌，重點係佢嘅秘製沙嗲汁和蒜香麻辣汁，係成碗車仔麵嘅靈魂，超香超惹味👍🏻👍🏻蘿蔔真係好清甜好好食😋老公叫咗雞翼，腩肉，豬手和牛孖根配拉麵🍜仲有叫咗炸春卷拼咖哩角，即叫即炸，外層炸到脆卜卜超好食😍仲有叫咗錦滷韮菜雲吞，雲吞勁多料，超好食😋仲有叫咗腩汁唐生菜🥬好新鮮好翠綠👍🏻仲有叫咗竹蔗茅根和可樂，非常凍👍🏻環境好寬敞，食物質素都好高，有機會大家嚟試吓😘

行過肚餓食咗個黃金車仔麵 食物 : 叫咗一個滷水大什麵, 方便我地D 選擇困難症 $56, 麵底改薯粉另加$2, 但薯粉是之前煮好後放入碗, 就算加咗湯搞咗好耐, 個薯粉都無分開, 要成個咬, 蘿蔔好甜好入味, 滷腩南好鞋, 其餘豬大腸/咖喱豬皮/咖喱魚蛋/豬紅的味道正常, 清湯底加腩汁, 味道偏淡 另一個叫咗自選三餸麵 $44, 粗麵+蘿蔔+韭菜餃子+午餐肉+清湯底加腩汁, 都是正常味道 加多一杯凍檸茶$8 環境 : 一般餐廳裝修, 坐位距離OK, 不會太迫 地點 : 店舖在新都城3期外圍, 幾方便 服務 : 職員有禮貌, 多數都講廣東話 價錢 : HK$110/2人

黃金車仔麵 (將軍澳) 將軍澳貿業路8號新都城中心3期地下G21號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：四拼麵餐 (滷水豬耳、香滑牛孖根、麻辣豬肚絲、魚腐) $57 ，(餐)紅油餃子(6隻) +$30，竹遮茅根 $0，鹹柑桔 $12等候時間：0分鐘滷水豬耳：滷水味濃，豬耳爽脆有咬口，配埋蒜香麻辣汁幼麵，一流！👍👍👍香滑牛孖根：牛孖根數量多，大大舊，炆得夠香夠淋，滑一滑口感滿滿！😍😍😍麻辣豬肚絲：豬肚皮與豬肚肉一啖入口帶來雙重口感，麻辣汁烹調下再將滋味升級，味道更佳！ 😋😋😋魚腐：魚腐漲卜卜大大粒，吸收了大量湯汁，一啖入口同時食到魚腐肉與麻辣湯，好味道！👏🏻👏🏻👏🏻紅油餃子：餃子以韮菜及肉碎為餡料，以紅油醬料烹調後賣相變得更好，亦飄散出陣陣麻辣香，令人食指大動！❤️❤️❤️竹遮茅根+鹹柑桔：四拼麵餐本身已包一支凍飲，選了竹遮茅根，大熱天時三十幾度下，再加多一支鹹柑桔，邊食四拼麵邊飲茅根柑桔，一樂也！😄😄😄

黃金車仔麵 (將軍澳)地址 : 新都城中心3期地下G21號味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：車仔麵 、 蜆蚧鯪魚片等候時間：0分鐘地理和位置非常方便，地鐵寶琳站行50步便到，適合我們這些趕時間，要快食的朋友。這餐廳裝修舒適寬敞、有生活品味、清潔衛生，是非一般的車仔麵店。車仔麵是香港地道美食，幾乎所有香港人都喜愛。日式豬軟骨、牛孖筋、炸魚片頭、墨魚丸、辣魷魚+娃娃菜+秘製沙嗲汁（$10一個餸）今天叫了六個淨餸，都只不過$62，每樣餸都份量十足，非常抵食。😋😋😋這裏的秘製沙嗲汁非常美味，濃度適中，有少少微辣，容易入口，所有湯也給我喝光了！👍👍👍這裏的餸選擇也很多，還有些是罕有的，有：魚腐、鹵水豬耳、芥菜餃子、日式豬軟骨、炸魚片頭、墨魚丸、香辣豬紅、咖哩魚蛋、香滑牛孖筋、金牌豬手、牛筋丸、咖哩豬皮、煎蛋、麻辣豬肚絲、五香牛肚、龍蝦丸、廚師腸魔、鬼雞翼尖、五香肉丁、午餐肉、芝士腸、秘製辣魷、柱猴牛腩、鹵水豬大腸、滷水雞中翼、潮式鹵腩肉、司華力腸等等，應有盡有。🤩🤩🤩醬汁方面也不少，有六種選擇：鹵水汁、腩汁、咖哩汁、蒜香麻辣汁、秘製沙嗲汁、清

呢間鋪位前身都係車仔麵店見佢新開就去睇吓好冇味😌😌當日係星期日嘅晏晝時間愈坐愈多人 證明應該都唔錯而且🆕開 所以都座無虛席一行兩人叫咗呢啲🐮牛腩牛根飯 $55 飲凍咖啡加小食 🐷泰式豬頸肉 $26 首先飯嘅份量可以兩至三人分享都冇問題一個大男人食都夠飽😂😂😂牛腩牛筋嘅份量各佔大約一半份量非常慷慨 調味好濃 夠入味腩汁要嚟撈飯 都幾唔錯 唔會太乾豬頸肉有輕微油炸過 走過油點埋泰式醬汁幾惹味 唔會太辣🥬三拼麵 $104 轉娃娃菜底清甜蘿蔔 柱候牛腩 咖喱豬皮配秘製沙嗲汁原本以為轉菜底會唔夠飽點知原來份量都好多娃娃菜幾清甜 跟咗沙嗲汁唔會太淡味蘿蔔幾清甜 冇乜苦澀味 唔算太多渣咖喱豬皮唔會太濃 仲食到豬皮嘅原味但跟湯嘅牛腩就冇牛腩飯咁濃味所以如果想食原汁原味 建議嗌牛腩飯加小食🐟蜆介鯪魚餅(4塊）原味炸魚皮錦滷韭菜雲吞(6隻）$36通常出邊食鯪魚餅多數係粒狀但呢度係原塊剪開上 感覺幾大件唔點醬汁都夠晒重味 建議點錦滷雲吞嘅酸甜汁 仲開胃😌😌😌魚皮同錦鹵雲吞都炸得幾香脆 整體都炸得幾香口 唔會太油膩🎋飲枝裝竹蓆茅根 頓時覺得清熱😂😂

黃金車仔麵 (將軍澳)今日同朋友去新都城行街，到晚餐時間。我地見到有間車仔麵店舖。店舖裝修得新淨，光猛企理， 座位舒服， 非常近地鐵站。咁我地叫咗兩碗車仔麵同唔少小食。*值得推薦的是車仔麵的湯底非常清甜，店舖老闆每天都會用鮮雞、豬筒骨、配蘿蔔、昆布 和小魚乾等材料， 用慢火熬制而成的湯底 ，特別鮮味。1. 豪華六寶米線$64 豪華六寶米線材料包括有鹵水雞翼、 秘製魷魚、 柱侯牛腩、日式豬軟骨、 韭菜餃子和酸甜齋。鹵水雞翼大大隻、好入味、雞肉好滑。魷魚爽口彈牙。牛腩香噴噴，質地軟淋。豬軟骨炆到好入味，充滿膠質。米線好滑，唔會碎，煮得啱啱好。2. 鹵水大雜粗麵$56 鹵水大雜包括有鹵水豬大腸、 潮式滷腩肉、咖哩豬皮、魚蛋 、清甜蘿蔔和香辣豬紅。豬大腸洗得好乾淨，冇臭味。滷腩肉好入味，肥瘦適中。咖哩豬皮同魚蛋好惹味，咖哩辣辣地，令湯底都有少少味。蘿蔔好甜，冇渣。3. 蜆蚧鯪魚餅鯪魚餅煎得好好，表面金黃色，好香脆。鯪魚新鮮，魚肉好香。4. 香脆豬頸肉豬頸肉份量好多，煎到外面脆脆地，入面肉質帶有油脂感，好好味。另外，仲食到好香嘅香茅味，充滿香料。5. 滷水雞髀雞髀大大隻，滷得好入味，而且肉質好滑

在想不到食什麼嘅時候，見到呢間#黃金車仔麵 ，自己㨂選食物配搭，都很捧啊！我選擇了3餸麵要米粉，牛筋、咖哩魚蛋同煎雞蛋，配沙嗲汁同麻辣醬汁，拌勻一齊食就是好吃😋。家人則點了豪華6寶麵配米線，6款餸是滷水雞中翼, 秘製辣魷魚，瑤柱牛腩, 韭菜餃子, 豬軟骨同甜酸齋，配沙嗲醬汁，配搭非常之豐富，佢說食材煮得好入味。再叫了小食一併分享，豬手～超入味又軟淋，係骨膠原啊。紅油抄手～餡料是韮菜豬肉，醬油麻而不辣很好吃。骨湯菜心～健康。飲品是🍋檸檬茶同竹蓆茅根水，解辣又解渴☺️。

入嚟寶琳睇戲，印象中新都城二期嗰邊快食個飯都唔平，無意中試到呢間車仔麵都唔錯。車仔麵最重要當然係啲餸嘅用料同味道，首先我幾鍾意全部都大大件好足料，當中蠔油冬菇同司華力腸更加係重量級，冬菇有手掌咁大，司華力腸就半條咁上，啖啖肉嘅感覺好爽。 牛孖筋都炆得好腍好入味，有牛腩麵鋪嘅水準。朋友叫左蘿蔔好清甜，豬肚乾淨冇怪味。錦鹵韮菜雲吞新鮮炸起好酥脆，韮菜豬肉餡炸餃真係冇得輸，香口惹味，醬汁酸酸甜甜唔會膩。泰式豬頸肉好大塊，脆口得黎仲保持到肉汁，尤其是小食只係加二三十蚊，性價比真係好高。