友勢日本料理 (已結業)

今日同男友，daddy & mami谂住黎呢度食放题（预祝母亲节兼食餐劲嘅，因之前食过呢间放题，荃湾区黎讲，都算几好），点知去到已经冇做放题，只有单点order，本来好失望，但门口个姐姐话，而家虽然转咗散叫order，但餐牌菜式多咗又抵食，仲话所有寿司一律半价添，分分钟仲平过去食放题添，（我心谂……唔好呃我㖞，我地好大食架）mami话反正都黎咗，寿司半价，望落餐牌都几抵几多野食，不如就试吓啦…………入到去见佢有张必食推介餐牌，望落好吸引（可能太肚饿）推介牌果8样野我地差唔多都叫齐：有烧羊架，肉质鲜嫩又唔太so味，烧大虾仲叫咗每人1只添……好鬼大只……正呀，脆脆薯丝鱼卷，薯蓉入边包住d鱼肉黎炸，都几特特别，北海道烧蚝，即系用芝士焗生蚝，呢个我最钟意食，海鲜烧饼，有d似食pizza咁，都唔错，跟住仲叫咗好多寿司添……半价嘛haha，另外仲叫咗泡菜大蚬锅，辣辣地几野味，不过d汤咸咗d，海胆刺身$78板见咁平都叫埋，最后仲食埋甜品……朱古力蛋糕雪糕，真系饱到上心口，埋单都唔使6百蚊，真系好过去食放题呀！！