Walter Bistro (智選假日酒店)

营业中

休息中

嚟咗呢间喺公司附近嘅酒店餐厅食晚餐，呢度除咗有半自助餐，仲有Set Dinner可以选择，最后叫咗一份西冷牛扒同一份香煎多宝鱼两份食。头盘喺每人3只生蚝，正常尺寸亦好爽口鲜味，算系易入口嘅味道，未必太好生蚝嘅朋友都应该食到。红酒系澳洲嘅Shiraz配Cabernet Sauvignon，果香浓郁易入口，唔错㖞！今日嘅餐汤系蘑菇汤，呢个真系要赞，超好饮！大量应该有炒香咗蘑菇切碎，味道浓郁得来唔觉有好重忌廉同粉浆嘅感觉，好清新唔腻。配埋个法包食好夹，个法包仲系热嘅，外脆内烟韧，加少少牛油就好好食！西冷牛扒上菜嘅时候系跟一个铁架，仲有火加热，唔够食食吓冻咗，几贴心㖞，铁架唔会好热只系微温，所以都冇令到牛扒变得太干。薯条分量足，冇饭落肚都食到饿晒。香煎多宝鱼卖相都唔错丫，皮脆肉嫩都几鲜味，配埋忌廉汁同好绵好滑嘅薯蓉食感好好。呢个价钱喺酒店餐厅食到一个丰富嘅食餐都真系几抵，而且环境宽敞舒适，间中嚟食返餐都系唔错嘅选择。