影片
更多
2021-04-20
504 浏览
早排试咗某米线店嘅脆肉鲩，味道同口感都几唔错，对鱼肉兴趣唔算好大嘅我开始觉得可以试多啲鱼嘅菜式。揾揾下先发现平日经过嘅地方原来有食酸菜鱼嘅餐厅，隐藏系香工嘅地库，地方几阔落，感觉唔系太多人知道，日后食饭又多个选择。招牌二人餐 $318套餐可自选三款菜式同一款甜品，今次拣咗必食酸菜鱼、葱爆牛肉、红油蒜蓉黄瓜同黑糖糍粑，套餐额外包括两碗白饭。每道菜都可自选辣度，店员亦会提供建议，值得一赞。先讲主食，必食酸菜鱼份量足料，二人享用绝对绰绰有余。每块鱼肉弹滑软嫩，酸度适中，配上小辣程度嘅调味，更显咸香。底层更藏有烟韧宽粉，吸收汤底精华后几开胃。葱爆牛肉绝对系惊喜小菜，每块牛肉质感松软，唔会过韧。加上以大量洋葱同辣椒同炒，镬气十足，𩠌饭更系一流。虽然油份有点多，但胜在味道够地道。红油蒜蓉黄瓜作为凉拌小菜，的确几有解腻开胃感。黄瓜口感爽脆，辣油香气尚可，不过略嫌味道清淡咗少许。黑糖糍粑面层铺上薄薄一层黄豆粉，外层炸至微脆，内里充满糯米绵软烟韧感。蘸取黑糖酱汁，令味道清淡嘅糍粑倍添蜜味。饮品方面分别以$8加购低糖豆浆同石斛竹蔗茅根水，两款饮品味道都唔错，甜度刚刚好，成份亦较健康。
招牌二人餐 $318
套餐可自选三款菜式同一款甜品，今次拣咗必食酸菜鱼、葱爆牛肉、红油蒜蓉黄瓜同黑糖糍粑，套餐额外包括两碗白饭。每道菜都可自选辣度，店员亦会提供建议，值得一赞。
先讲主食，必食酸菜鱼份量足料，二人享用绝对绰绰有余。
每块鱼肉弹滑软嫩，酸度适中，配上小辣程度嘅调味，更显咸香。
底层更藏有烟韧宽粉，吸收汤底精华后几开胃。
葱爆牛肉绝对系惊喜小菜，每块牛肉质感松软，唔会过韧。加上以大量洋葱同辣椒同炒，镬气十足，𩠌饭更系一流。虽然油份有点多，但胜在味道够地道。
红油蒜蓉黄瓜作为凉拌小菜，的确几有解腻开胃感。黄瓜口感爽脆，辣油香气尚可，不过略嫌味道清淡咗少许。
黑糖糍粑面层铺上薄薄一层黄豆粉，外层炸至微脆，内里充满糯米绵软烟韧感。
蘸取黑糖酱汁，令味道清淡嘅糍粑倍添蜜味。
饮品方面分别以$8加购低糖豆浆同石斛竹蔗茅根水，两款饮品味道都唔错，甜度刚刚好，成份亦较健康。
张贴
