影片
更多
2022-12-13
70 浏览
当日入座时间为晚上8点30分，我地入座后陆陆续续有客人进店用餐，估唔到呢个时段仲有咁多人。店舖环境干净简洁，店员会热心介绍菜式，好好服务👍🏻。「随心」本身主打星马菜，但我一打开个餐牌就俾佢地嘅川菜吸引住🤩，所以同男朋友最后叫咗份#酸菜鱼、#辣子鸡、同#粉丝煲，经店员介绍再加咗壶#洛神花茶，最后食到好饱好饱🙉。🐟#招牌酸菜鱼 二人份 ($198)▪️酸菜鱼汤底浓郁，酸味较重带有少少辣味，非常开胃😛。▪️食到后半段辣味会越嚟越强🌶，如果唔食得辣可以同店员讲需要调整辣度。▪️鱼片粗略数过有20块，肉质软谂但有一两块有碎骨。▪️配料甚多，有青瓜、本菇、鸡髀菇等等。▪️食食下发现仲有宽粉😮(唔洗另外加钱!!)，面条烟烟韧韧吸收哂酸菜嘅香味，好正。▪️虽然话系二人份，但份量足以几个人分享。🐔#霸王辣子鸡 ($168)▪️辣子鸡有阵闻得到嘅辛香味。▪️每一粒都非常干爽，有几粒仲连埋鸡皮，炸到脆卜卜好好食😆。▪️最正系有好多合桃同腰果可以中和返啲辣味。▫️如果可以少啲骨咁就更加正🙈。🦐#香辣海鲜粉丝煲 ($198)▪️虾同扇贝各有四只，仲有好多带子粒😍。▪️粉丝份量非常多！而且好干爽，捞埋煲底嘅虾油香得嚟仲有种鲜味。▪️海鲜方
当日入座时间为晚上8点30分，我地入座后陆陆续续有客人进店用餐，估唔到呢个时段仲有咁多人。店舖环境干净简洁，店员会热心介绍菜式，好好服务👍🏻。
「随心」本身主打星马菜，但我一打开个餐牌就俾佢地嘅川菜吸引住🤩，所以同男朋友最后叫咗份#酸菜鱼、#辣子鸡、同#粉丝煲，经店员介绍再加咗壶#洛神花茶，最后食到好饱好饱🙉。
🐟#招牌酸菜鱼 二人份 ($198)
▪️酸菜鱼汤底浓郁，酸味较重带有少少辣味，非常开胃😛。
▪️食到后半段辣味会越嚟越强🌶，如果唔食得辣可以同店员讲需要调整辣度。
▪️鱼片粗略数过有20块，肉质软谂但有一两块有碎骨。
▪️配料甚多，有青瓜、本菇、鸡髀菇等等。
▪️食食下发现仲有宽粉😮(唔洗另外加钱!!)，面条烟烟韧韧吸收哂酸菜嘅香味，好正。
▪️虽然话系二人份，但份量足以几个人分享。
🐔#霸王辣子鸡 ($168)
▪️辣子鸡有阵闻得到嘅辛香味。
▪️每一粒都非常干爽，有几粒仲连埋鸡皮，炸到脆卜卜好好食😆。
▪️最正系有好多合桃同腰果可以中和返啲辣味。
▫️如果可以少啲骨咁就更加正🙈。
🦐#香辣海鲜粉丝煲 ($198)
▪️虾同扇贝各有四只，仲有好多带子粒😍。
▪️粉丝份量非常多！而且好干爽，捞埋煲底嘅虾油香得嚟仲有种鲜味。
▪️海鲜方面最得我心嘅反而系细细粒嘅带子，同粉丝一样咁弹牙✨。
▪️扇贝劲饱满，一啖咬落去好满足♥️。
🌺#洛神玫瑰花茶 ($58)
▪️有淡淡玫瑰香气🌹。
▪️只系浸泡咗五至八分钟已经非常香浓。
▪️内胆加咗红枣所以饮落有丝丝甜味👍🏻。
▪️店员见到差唔多饮到见底会主动加水，饮咗三转都仲系好浓😚。
坦白讲呢个价钱有咁嘅份量我觉得几抵食🤑，甚至再叫多一至两个人嚟share都冇问题。餐厅都好近地铁站，有系附近返工嘅朋友仔不妨放工嚟试试晚市餐牌啊😉。
张贴
