板神鉄板燒日本料理 (駿業街)

营业中

休息中

店门口外面唔算好抢眼，可能都唔系咁易揾到，一入到去就见到个装修都唔错而且啲位都几阔落几舒适。Menu大多数都系一个餐咁叫，我就同我朋友一人嗌咗一个餐试吓啲唔同嘅嘢。餐厅入面一个师傅就会招呼一枱客，大约六至八位客人，今日唔算唔系太多人看因为时间仲算早，所以都唔会等太耐，店员会系你差唔多食完就会开始准备好下一道菜。印象比较深刻既第一样就系煎银鳕鱼，师傅将佢鱼皮同埋鱼肉分开黎处理，鱼肉外脆内软之余再加埋果皮煎到有少少香脆，有少少似薯片咁嘅感觉。之后呢师傅亦开始烧龙虾，佢拆埋肉再用龙虾膏整成嘅酱汁衬托起龙虾肉。龙虾真系相当新鲜，见到佢喺度郁。龙虾肉好弹牙，鲜甜得来加埋个酱汁真系一流。呢间餐厅仲可以系你一路食嘅时候你可以一路同师傅沟通交流，佢又会教你点样食先至可以品尝到食材嘅鲜味。之后系五道刺身，全部都系好鲜甜亦都系几好食，食完刺身后就系一个薄切嘅肥牛，师傅烧完后将佢卷起。一啖吞旧和牛落肚，腍之余仲充满油香。系我食过仲多间铁板烧来讲，虽然佢嘅价钱会系比平均高但系性价比来讲绝对系首屈一指。