楚撚記大排檔 (馬頭圍道) (已搬遷) 新店位置

今日同男朋友去士瓜湾吓，行到有d肚饿，直接响度食埋晩餐先走，见到一间有大量小炒选择，就入去试试。我地就点几样常食小炒睇睇师傅功夫。咕噜鸡球份量好多，酸甜比例做得不错，鸡球入口好爽滑，外脆内嫩，我自己食咗4-5件鸡球，男朋友食得比我更多，好食又抵食。配料亦都好多，有鲜甜菠萝，蜜桃，青红椒。椒盐白饭鱼白饭鱼好大条，唔会太咸，食落香口，炸香蒜惹味，都唔错。值得赞既系唔会炸得好油，炸粉都好少，出面好多时食炸粉多过咩，呢度就冇呢个问题。北菇愉耳红烧豆腐个豆腐好热，d汁好浓厚带少少麻油香气，咬开豆腐白雪雪滑嘟嘟，有豆香，外面少少脆既口感，唔错，不过冬菇比较少，多番少少更佳。干炒牛河冇点白饭，炒左碟干炒牛河，卖相都好靓，色泽均匀啲，唔会好油，有镬香。牛肉好滑，而且份量极多。如果芽菜多番dd，我会俾满分。最后有甜品送，热既番薯糖水，冻既清补凉，落足料，唔系求其比啲嘢就算。整体上，系大排档既味道，当然干净好多同服务一流，好有礼貌，好细心。价钱方面亦都非常之合理，小菜方面其实有好多种类别，下次可以再尝试其他，绝对值得一试。