馬德里餐廳

营业中

休息中

最近同朋友想系深水埗揾间餐厅食饭倾计～见到马德里餐厅啲晚餐价钱都算唔错，装修唔错，有怀旧香港嘅气氛，但同时又新净企理👍🏻入到黎发现有唔少卡位，坐得舒服，又唔会其他食客太近，真系好啱同朋友倾计😍怀旧铁板T骨牛扒配薯菜套餐🥩呢到有几抵食嘅铁板套餐，我拣左T骨试下😋我叫左5成熟，牛扒喺铁板上煎得啱啱好，牛肉多汁嫩滑，牛味好香。配菜有香脆薯条🍟同新鲜嘅蔬菜，食落去好均衡又美味👍🏻跟餐有罗宋汤、餐包、热饮、法式蒜香薯蓉焗田螺、什果啫喱杯👍🏻食到好饱🤣罗宋汤够开胃，入面有好多蔬菜👍🏻法式蒜香薯蓉焗田螺系一大亮点，蒜香四溢，薯蓉绵密，田螺肉质鲜美，真系好好食🤤最后嘅什果啫喱杯系童年回忆😂好钟意佢加左炼奶同椰果入去，有清新水果香气，同时甜而不腻🥹焗鲜茄牛柳粒🍅朋友拣左焗鲜茄牛柳粒～牛柳粒大小啱啱好，焗得外焦内嫩，肉质鲜嫩多汁。番茄酱汁酸甜适中，配埋牛柳粒食，味道好夹👍🏻焗烤嘅方式令每一啖都充满浓郁香味同丰富口感，好啱配饭一齐食👍🏻呢间餐厅啲野食整体都几大份同抵食，即使都多人入黎，但因为够多位，keep住有人食完就走，所以我地坐左好耐都ok👍🏻下次再约人黎深水埗就有多个选择😍