影片
更多
2022-10-29
620 浏览
《点只冰室》外貌光猛企理，白色蓝色作为茶记冰室布置主调其实几易污糟；不过，冰室企理，整洁度十分ok 既。我平时主要去《点只》帮衬个靓早餐，今日大约中午先路过，平时晚市铁板牛扒闲闲哋过百，今日午市做八十仲有汤和饮品，梗系试吓佢喇！等左十分钟，主菜 / 蒜汁分开上，侍应哥哥亦有叮嘱铁板热度；蒜汁一倒落去，成个铁板「咋」一声冒白烟，我就好似细路仔咁揸住张 tissue , 心里开心胃口大增！尤其是铁板上既薯条，㶶㶶哋又超脆，点埋仍在噼呖啪达既蒜汁入口，真系个冇得弹！牛扒方面， 约 3cm 厚度，上下有两块！！配微炸过既蒜片。脆皮司华力肠则成条上，细路至爱！因为块铁板真系热既，两块牛扒其实上枱已是 well done . 呢点可以再改善吓既。不过，午市呢个份量呢个价位呢个地区，其实已经抵到开巷！侍应快手快脚亲切话题多，靓靓老板娘亦落手落脚；应该开业超过一年了，能够在胜利道企稳阵脚，一定有佢过人嘅原因；反应快，有好伙坐阵会系常满既原因之一吧。总结： 八十蚊铁板牛扒餐，质量可以，份量赢晒！
我平时主要去《点只》帮衬个靓早餐，今日大约中午先路过，平时晚市铁板牛扒闲闲哋过百，今日午市做八十仲有汤和饮品，梗系试吓佢喇！
等左十分钟，主菜 / 蒜汁分开上，侍应哥哥亦有叮嘱铁板热度；蒜汁一倒落去，成个铁板「咋」一声冒白烟，我就好似细路仔咁揸住张 tissue , 心里开心胃口大增！尤其是铁板上既薯条，㶶㶶哋又超脆，点埋仍在噼呖啪达既蒜汁入口，真系个冇得弹！
牛扒方面， 约 3cm 厚度，上下有两块！！配微炸过既蒜片。脆皮司华力肠则成条上，细路至爱！
因为块铁板真系热既，两块牛扒其实上枱已是 well done . 呢点可以再改善吓既。不过，午市呢个份量呢个价位呢个地区，其实已经抵到开巷！
侍应快手快脚亲切话题多，靓靓老板娘亦落手落脚；应该开业超过一年了，能够在胜利道企稳阵脚，一定有佢过人嘅原因；反应快，有好伙坐阵会系常满既原因之一吧。
总结： 八十蚊铁板牛扒餐，质量可以，份量赢晒！
张贴
