古早台居

营业中

休息中

约咗几个friends 去九展睇动慢，行下，𥄫下，影下，吹下，唔觉唔觉八点啦！九展仲系好乸多人，就同班friends 坐架免费巴士去德福揾吓有乜嘢食，落咗车入商场，五楼有个food court ，见好多人都过咗嚟食嘢，我哋都揾到位坐低，其中一个朋友话之前嚟食过，间台湾野几好，我原来想食pepper lunch，今次就跟大队啰朋友推介鸡扒正佢帮我哋叫咗一个鸡扒面，一个鸡扒肉燥饭，一个鸡翼肉燥饭，一个台湾牛肉面饮嘢有半价所以都买咗四杯野饮。鸡扒真系几好食外脆内软，不过卤水鸡翼先最值得推介，一客有四只，size都唔细，卤得好入味，咬落好多肉汁我就饮咗杯紫薯鲜奶，奶味浓，紫薯滑，朋友就话苹果绿茶好好味，入面仲有啲椰果蒟蒻㖞！咁抵饮最后大家都清晒。下次再嚟九展一定会嚟呢度医肚