麻痺英

营业中

休息中

朋友住大埔，请食晚饭，带我去吃鸡煲打边炉。佢同我讲虽然舖头细细，但每晚都坐满人，唔预早啲或者留订位都食唔倒。果然，我地6点去到，开始都已经有两枱人，6点30分左右差不多已经坐满哂。 点解咁多人？因为呢度好抵食，除咗鸡煲之外，仲有酸菜鱼、水煮鱼、支竹羊腩煲等等，十几款煲俾你选择，二人计最抵每人168蚊起，食完之后仲有得打边炉，汽水饮品任饮，除左啤酒要加钱之外。 光是鸡煲都有几款唔同口味，最后叫左招牌麻痺鸡，可选择辣度，我地要咗BB辣。 哗! Gas  打边炉，够晒风味，鸡煲上面铺满左满满嘅芫茜，正! 里边每件鸡都好大件好多肉，鸡煲酱十份惹味，而且BB辣一啲都唔辣。而且每件鸡肉真系入晒味，可见之前准备功夫都不少，煲内亦有其他配料如洋葱、书仔、翠玉瓜等等。两个人的份量大概有十几件鸡，食完之后就可以加水打边炉。 打边炉嘅配料都有几十款之多，亦有海虾、花甲、生蚝等等，不过就要加钱呀。除左火锅配料，亦有几款凉拌小菜，叫左一份凉拌皮蛋同埋海蜇，唔使等即刻有得食两样凉拌小菜都不算太辣，而且亦都好入味，皮蛋金金黄黄的，有蒜容嘅香味，软绵绵很好吃。