淥鼎記

营业中

休息中

观塘美食多箩箩，今日就同爸爸黎到亚太中心呢到食鸡煲同打边炉。😋同爸爸拣咗小宝套餐，星期一至四$248/位，系120分钟嘅火锅放题。首先我哋要喺六款主菜入边拣一款，烤鱼同椰子鸡都系四位起先至可以拣，所以我哋就喺鸡煲同酸菜鱼之间拣咗中辣鸡煲。鸡煲嚟到之前有四款小菜送上，包括有台湾肠，蒜芯，无骨凤爪，同埋猪手。鸡煲嚟到啦！虽然我哋叫左中辣，但系辣味都好劲，唔小心真系会俾辣味呛到。啲鸡肉好滑，真系啱啱好熟𠮶种，避免佢哋越煮越老，我就熄咗个火，慢慢享用个鸡煲。食完鸡煲之后就可以拣个汤底打边炉啦😋 我哋拣咗花胶美人锅，入边有大约六七块花胶咁多㗎。😋火锅配料方面，我哋试咗几款肉类，当中我觉得羊肉片最特别🤭 我好钟意佢个羊骚味❤️ 蔬菜类要喺雪柜𠮶边自取，我欣赏佢每样食物都系包好封好，卫生程度满分。👍🏻饮品方面，除咗一啲罐装同纸包饮品，餐厅都有一啲自家制嘅健康饮品例如酸梅汤，竹蔗茅根，蜜香红茶，水果茶等等。我就拣咗清热嘅竹蔗茅根，味道方面唔会过甜，感觉清润。服务方面，由接待处到楼面嘅员工都感觉非常友善，而环境座位都阔落整洁，下次会再嚟。