影片
更多
2024-10-03
1050 浏览
呢间位于铜锣湾利舞台嘅韩国菜，出奇地都几有惊喜。今日同朋友行完街，想食吓韩国嘢，于是就揾到呢一间韩国菜。呢间韩国菜见佢个名，都知佢主打炸鸡，可惜今日朋友身体抱恙，我哋都系决定咗嗌一啲冇咁炸嘅菜式。一入到餐厅，餐厅都宽敞，有卡位，装修亦都好韩风，亦都有电视keep住播住一啲K-Pop嘅歌曲同埋MV。我同朋友就安排坐咗喺一个卡位，座位宽敞，坐得都舒服。我哋总共嗌咗两个主菜同埋一支米酒。主菜方便，我哋嗌咗个韩式牛肉炒粉丝同埋海鲜拉面。先讲个韩式牛肉炒粉丝，粉丝质地好烟靭Q弹，食落好有咬口，一啲都唔会过腍断晒。而粉丝嘅味道，主要都系平时食开嘅韩式牛肉酱汁，啲粉丝都入晒味同挂到汁，食落好香口亦都够味。而牛肉嘅份量都唔少，食每一啖粉丝都夹杂到一啲牛肉，成份食落好满足。另一份主菜系海鲜拉面，海鲜份量极多，有虾仔蚬鱿鱼等等，一啲都唔hea。面嘅质地亦都啱啱好，煮得好弹牙，唔会淋晒，而上枱嘅时候亦都俾个韩式煮面用嘅铁兜上菜，热辣辣。而饮品我哋就嗌咗马格利米酒，好大支，两个人一齐饮就啱啱好，米酒有少少乳酸味道，饮落去好一啲都唔似饮酒，好啱女仔好容易入口。整体嚟讲，呢间餐厅嘅韩国菜选择都好多，今次就试咗好少
我同朋友就安排坐咗喺一个卡位，座位宽敞，坐得都舒服。我哋总共嗌咗两个主菜同埋一支米酒。
主菜方便，我哋嗌咗个韩式牛肉炒粉丝同埋海鲜拉面。
先讲个韩式牛肉炒粉丝，粉丝质地好烟靭Q弹，食落好有咬口，一啲都唔会过腍断晒。而粉丝嘅味道，主要都系平时食开嘅韩式牛肉酱汁，啲粉丝都入晒味同挂到汁，食落好香口亦都够味。而牛肉嘅份量都唔少，食每一啖粉丝都夹杂到一啲牛肉，成份食落好满足。
另一份主菜系海鲜拉面，海鲜份量极多，有虾仔蚬鱿鱼等等，一啲都唔hea。面嘅质地亦都啱啱好，煮得好弹牙，唔会淋晒，而上枱嘅时候亦都俾个韩式煮面用嘅铁兜上菜，热辣辣。
而饮品我哋就嗌咗马格利米酒，好大支，两个人一齐饮就啱啱好，米酒有少少乳酸味道，饮落去好一啲都唔似饮酒，好啱女仔好容易入口。
整体嚟讲，呢间餐厅嘅韩国菜选择都好多，今次就试咗好少，之后都可以再嚟试吓佢出名嘅炸鸡。
张贴
