Running 燒 (已結業)

将军澳的韩式烧内放题选择不多，所以知Running烧在将军澳开分店后已经好想去试。今天终于约到朋友和我一同前往享用！烧肉其中一个重点，除左食材后，酱料都好紧要，呢度有好多款唔同既酱汁，自己配搭都无问题。外面仲有好多菜可以自己拿，用来包肉食又得，烧都无问题。饮品款式选择都几多，多数以韩式饮品为主。烧肉部份猪肉全部都切得好大块，好厚！真系好有正宗韩式烧肉既感觉，不过可惜呢度无蒜头提供，唔系既话自己拎d生菜同泡菜包住食真系一流，猪肉仲分左好多种味，完全唔惊得好少味而食到闷。牛肉推介牛五花，大大片，而且油脂分布平均，真系好好食。 生蚝，生蚝唔腥而且都几大只，我地原味同蒜味都有食，大家都钟意原味多点。带子都好大粒，海鲜部份都唔错。仲有一d熟食如炸鸡等，即叫即炸味道都可以，放题黎讲算唔错了。甜品款式超多，除左有少量蛋糕外，雪条选择非常好多，而且好多价钱都唔平，呢度可以无限食。整体觉得呢个价钱算抵食，食物质素唔错，店员好好人，期间问店员有无生蒜提供，佢地都好好即刻帮我入去问厨房，虽然最后无提供，但佢地好尽力去帮我揾，呢点好值得赞。