達人烤肉 (已結業)

韩式烤肉一直系香港既店铺好多，呢排都好流行(可能系杜如风效应都未定xd)，但系一直都食唔到正宗既韩烧 朋友介绍话呢间烤肉达人好受欢迎，但系尖沙咀又有啲远 。咁岩系铜锣湾行街先知原来呢度都开左分店！即刻一试！第一次黎呢度食野，入到黎既感觉系好靓同好干净，油烟味唔大，环境都几好。谂住落单时店员竟然听唔明！原来佢地好多都系韩国人，要用英文同佢地沟通，真系好似去左韩国咁呀！(心心眼) 系指Menu加少量英文之下成功落单xd我地叫左牛类套餐加护心肉!听店员讲护心肉系招牌肉类之一黎架，初头仲以为系牛原来系猪！口感不错。好弹牙，配埋生菜当生菜包食好fresh! 特制超级牛仔骨则当然名不虚传，牛味极重，且十分烟韧^^炉边既芝士粟米亦十分好味，芝士味好浓，可以balance下食左太多肉既味道！蛋同泡菜都好正呀！套餐附送既大虾同肠仔，其实呢个配搭都有啲几搞笑xd 不过肠仔已经帮你介开左方便烧，都几贴心！而且唔似普通韩烧咁会赶你走俾面你睇，我地三个人食左成两个半钟xd。除返起每人两百几就埋到单啦，环境又好，都几抵食架^3^