Running 燒 (已結業)

今日来将军澳做野，收工本来约左同朋友来食韩烧，book埋位，点知个fd临时ot来唔到，无计唯有自己来食。套餐分有几个时段。一入到餐厅已经有几台人食紧，但系无烟雾离漫嘅感觉，值得一赞，好怕好大烟好呛。入座时店员好细心讲解，110分钟任食，用手机落单，份量系1项1件。另外呢个系半自助形式，出面有熟食、蔬菜、甜品、饮品。饮品方面好齐全，又有少有嘅有气利宾纳。果汁有果肉，稍微有点惊喜，另外有酒精类饮品可以用电话落单，但系要另外收费。而各款即食小食当中，咖喱鱼蛋较为出色，好入味，咖喱汁唔会太稀。而生肉方面，各款肉都腌得入味，当中觉得厚切猪颈肉比较好食，烧起来唔会干争争。来韩烧点可以唔叫炸鸡同炸物呢，啲炸鸡唔会炸得好㶶，刚刚好，仲好脆。食到最后紧系要食埋甜品，有几款甜品，雪条、西米露、蛋糕、泡芙⋯较为特别有低卡雪条，食多支都唔怕啦食完临出门口仲见到原来有lunch set，下次经过可以来试下。