韓閣 (富裕樓) (已結業)

最近天气凉返啲就令我好想食韩国嘢😆😆好想食炸鸡。最近经开荃湾，顺便去食呢间韩阁都几抵食☺️☺️。铁板牛柳丝 （一人前）铁板热到都几够😍，我哋加咗韩国粉丝，食落去辣辣地有啲似韩式炒粉丝嘅感觉，配料份量都几多👍🏻。蜂蜜牛油味炸鸡 (半份)佢哋有得拣全部鸡锤或者鸡翼，会系鸡锤同鸡翼各四只。啱晒唔钟意食鸡胸嘅朋仔，本来想试吓佢哋个芝士炸鸡最后拣咗呢个甜甜地嘅蜂蜜牛油都唔错☺️☺️另外仲跟餐加咗个香草薯条🍟，我哋送啤酒一流😛😛。紫菜肉松蛋卷👍🏻👍🏻我觉得呢个好味㖞😍，个蛋卷到好厚实，食完好饱🤣🤣 加埋上面𠮶啲肉松同紫菜真系食到停唔到口。