韓牛韓式燒烤 (已結業)

好耐冇食过韩烧，今日去咗旺角创兴广场度食韩牛。我哋6:00去到可能太早唔算太多人，七点几已经满晒咁滞。呢度食物种类有很多，前菜有韩国餐厅一定有嘅泡菜，仲有啲蔬菜可以打咗底先，等阵食烧肉就冇咁肥。寿司种类都好多，而且质素唔差。最惊喜系有海鲜刺身，三文鱼够晒肥美，虾肉亦都好爽，贝壳类海鲜都唔错几新鲜。仲有糖水，而且唔系好甜唔会食到好流，食唔到烧肉。仲有好多生果，最欣赏系佢个朱古力喷泉，点完朱古力嘅生果有另一番风味。饮品都有好多款，呢度只系其中一个雪柜呢度总共有三个雪柜。个人比较推荐嘅系芒果乌龙茶，因为出面好似冇见过。一开头系乌龙茶味，芒果味会慢慢渗出黎。跟住就到主角烧肉，好多种类仲有啲蔬菜同埋菇。鱼，牛舌同牛仔骨特别推荐。甜品都有好多种，可以自己整雪糕，雪柜都有雪条同维记雪糕。另外仲有啫喱同布甸。呢间韩烧性价比真系好高，价钱二百几蚊有咁多嘢食，下次一定会再黎。