阿堂魚湯 (已結業)

今日原本约左系太子附近既旧同事食饭，但点知因为某些原因，佢无时间离开公司，变相要独自寻食。见依间价钱都几吸引，见佢个环境都唔错，就入去试下。见佢一个$50内既午餐竟然包埋前菜，汤同气水，真心想睇下会煮D咩出嚟。本人就叫左最保障既A餐：吉列猪扒定食。个餐一放上台，哗，都几丰富下。沙律都几大份，猪扒都唔少。份量绝对够饱。佢既沙律算新鲜，食落口感唔错。佢既猪扒炸得唔会过干，有肉汁，唯一不足系炸粉唔贴猪扒，一夹落去，会散。甘既价钱，算系好抵食。