Hot Pot 熱‧海鮮火鍋私房菜

营业中

休息中

今次嘅2人火锅套餐叫咗沙嗲猪骨汤底，本身有少担心会唔会太油，但佢香得嚟又唔会话好油腻，加埋一阵花生香，完美地衬托出火锅的各种食材。佢仲要系真材实料咁有两大旧猪骨，愈煲愈浓味，食到最后都冇话会变清汤，咸辣适宜。然后叫咗手切安格斯牛小排，厚身足料，唔似出面切薄片比你，放入口乳香味十足，肉质鲜嫩，油花分布都几好，每啖都有明确嘅肉香，唔会话唔知自己食咗啲咩。美中不足可能系份量上面可以再多啲（因为食得唔够喉）。另外追加咗佢嘅新鲜牛肉，虽然冇安格斯牛小排咁惊艳，但都有咬口，但记得唔好渌太耐，如果唔系就会破坏咗口感㗎喇！杂菇拼盘的种类丰富，绝对唔系敷衍行货（尤其是我呢啲钟意食菇嘅人），菇菇吸收哂沙嗲汤嘅精华，令人食指大动。我自己就大推菇拼盘多过蔬菜拼盘。仲有大大推沙冰都系劲抵，套餐送两杯真系担心餐厅会蚀本。呢度嘅服务态度亦都非常热情好客，真系落单都令人觉得好亲切（谂到香港地咁有人情味真系买少见少）。而且餐厅的环境干净卫生，空间宽敞，让人用餐时倍感舒适，值得一试。