桃園快餐

营业中

休息中

呢排Lunch成日食三𩠌饭，今日唔想再食三𩠌饭啦，去餐厅食又贵，有时等如两个三𩠌饭价钱，所以今日lunch四周围揾下有边啲抵食午餐，行经红磡广场见到呢间餐牌密密麻麻，各式小食，粉面饭面有得食，就停低睇睇，店员阿姐问起食咩，我见餐牌有我平时最钟意嘅吉列猪扒饭，而且只系34蚊，一个反射动作就答左阿姐，一个吉猪饭，咖喱汁。咖喱吉列猪扒饭外卖猪扒饭唔算大盒，猪扒size正常，因为即炸，表皮香脆，炸粉面包糠不厚，猪扒不厚不薄，食起上嚟肉质唔会鞋，唔会有雪味什味。咖喱汁唔辣，似一般茶记咖喱汁，甜甜地，汁比较少，饭量唔多，不过都够7成饱，性价比都算ok。