影片
更多
2023-06-29
36 浏览
铜锣湾食街旁边，见到呢间菂式嘅小店，一于试一试！呢度有唔同嘅套餐可供选择，身为牛魔王嘅我哋当然就拣咗「犇盛合」（$398一人）啦！汤底我哋就叫咗花胶汤，入面有劲多花胶粒，一定够食。而汤底十分浓郁，就咁饮都觉得好正。先嚟嘅系「刺身三点」，有六款唔同选择，我自己最钟意油甘鱼，油脂十分丰富。每种刺身都系水准之上，可以预备好个胃食多啲嘢。另外仲有「蟹肉沙律」，酸酸甜甜，非常开胃。一嚟就有几款牛肉可以试。先食「澳洲一级肉眼」。肉眼切得薄，烫一烫就食得。牛味足就基本啦，加上佢够薄，口感好轻盈，食入口嘅都系牛肉嘅精华。而另一款系「美国精选安格斯牛小排」。呢款系我最钟意嘅，厚薄度刚好，牛味系超级浓郁嘅，口感亦都丰富，越咬牛味越浓重，层次好好。最后就有「美国精选牛五花」，呢味则比到大家另一种体验，好丰富嘅油脂感，又唔会觉得油腻。比起另外两种牛更有咬劲，十分正。最后仲有「美国无激素春鸡」，嫩滑爽口，鸡味突出。之后就到海鲜喇，先食「时令海鱼」，应该系斑嚟，鱼身坚挺，鲜味突出，有酒楼级数！而「特选帆立贝」大大粒，亦都好新鲜！记得唔好煮太耐会缩水～「野生虎虾」超级大只，啖啖肉，肉身弹牙，同一般打边炉嘅质素好唔同
呢度有唔同嘅套餐可供选择，身为牛魔王嘅我哋当然就拣咗「犇盛合」（$398一人）啦！
汤底我哋就叫咗花胶汤，入面有劲多花胶粒，一定够食。而汤底十分浓郁，就咁饮都觉得好正。
先嚟嘅系「刺身三点」，有六款唔同选择，我自己最钟意油甘鱼，油脂十分丰富。每种刺身都系水准之上，可以预备好个胃食多啲嘢。
另外仲有「蟹肉沙律」，酸酸甜甜，非常开胃。
一嚟就有几款牛肉可以试。
先食「澳洲一级肉眼」。肉眼切得薄，烫一烫就食得。牛味足就基本啦，加上佢够薄，口感好轻盈，食入口嘅都系牛肉嘅精华。
而另一款系「美国精选安格斯牛小排」。呢款系我最钟意嘅，厚薄度刚好，牛味系超级浓郁嘅，口感亦都丰富，越咬牛味越浓重，层次好好。
最后就有「美国精选牛五花」，呢味则比到大家另一种体验，好丰富嘅油脂感，又唔会觉得油腻。比起另外两种牛更有咬劲，十分正。
最后仲有「美国无激素春鸡」，嫩滑爽口，鸡味突出。
之后就到海鲜喇，
先食「时令海鱼」，应该系斑嚟，鱼身坚挺，鲜味突出，有酒楼级数！
而「特选帆立贝」大大粒，亦都好新鲜！记得唔好煮太耐会缩水～
「野生虎虾」超级大只，啖啖肉，肉身弹牙，同一般打边炉嘅质素好唔同。
最后就系「季节野菜盘」，有娃娃菜、秋葵、甜粟米、冰菜等等。
全部都系本地优质蔬菜，好新鲜爽甜。例如系粟米煮好，入口都十分香口。比较特别系花生苗，平时少啲食到，而咬落超级爽脆，亦有浓浓花生香，好吸引。最后落啲蔬菜，吸晒汤汁，真系好正。
最后跟个日本饭同稻庭乌冬，我食嘅系饭，上面已有满满嘅饭素，已经好惹味，仲可以捞埋鸡汤食，就更加正。
食埋豆乳雪糕做甜品，好似饮咗一杯无添加豆乳咁。呢餐又饱又抵嘅晚餐就划上句号喇！
张贴
