影片
更多
2024-03-06
51 浏览
天气冻冻地好想同朋友去打边炉，佢话有一间任食火锅好抵食，所以我哋去咗旺角一锅堂食lunch🥳今次食咗100分钟任食C澳洲和牛套餐$258pp，清清地拣咗猪骨豆腐清汤。*菜*好有惊喜因为菜方面有好多选择，自助区出面有劲大个位系摆菜，仲要啲菜都好新鲜。日本红心萝卜好爽口又甜。羽衣甘蓝同冰菜系我嘅至爱，好似食咗三盘🤣野生竹笙就会吸晒啲汤汁好惹味。*肉类*澳洲和牛肩-自己会比较推荐，雪花均匀，切得好薄，所以煮几秒就可以食，猪骨汤底令到我可以食到真正嘅牛脂味。封门柳-对比和牛雪花比较少，但系都非常好食。牛舌-肉质唔靭花雕浸牛肉-我觉得好特别，煮熟之后都依然有浓浓花雕味同埋肉质唔靭。纽西兰羊卷肉-羊臊味唔会太浓，初次食羊嘅朋友都可以试。西班牙伊比利亚黑毛猪-肥瘦相间，肉味浓，呢个都叫咗几次。*小食*虾胶酿油条-比较少见，好彩虾饺非常薄，所以煮嘅时间唔会太耐，因为如果煮过龙嘅话油条就会太淋。炸鱼皮&响铃-本来以为放喺出面任攞会好淋，但系都非常香脆。各类冷盘小食同埋丸-自助区仲有各类冷盘小食同埋丸类，选择都多。手工包饺子-内里有好多肉汁，但小心煮得太耐令到个皮太淋。饮品有好多罐装饮品选择，我自己就钟意
天气冻冻地好想同朋友去打边炉，佢话有一间任食火锅好抵食，所以我哋去咗旺角一锅堂食lunch🥳今次食咗100分钟任食C澳洲和牛套餐$258pp，清清地拣咗猪骨豆腐清汤。
*菜*
好有惊喜因为菜方面有好多选择，自助区出面有劲大个位系摆菜，仲要啲菜都好新鲜。日本红心萝卜好爽口又甜。羽衣甘蓝同冰菜系我嘅至爱，好似食咗三盘🤣野生竹笙就会吸晒啲汤汁好惹味。
*肉类*
澳洲和牛肩
-自己会比较推荐，雪花均匀，切得好薄，所以煮几秒就可以食，猪骨汤底令到我可以食到真正嘅牛脂味。
封门柳
-对比和牛雪花比较少，但系都非常好食。
牛舌
-肉质唔靭
花雕浸牛肉
-我觉得好特别，煮熟之后都依然有浓浓花雕味同埋肉质唔靭。
纽西兰羊卷肉
-羊臊味唔会太浓，初次食羊嘅朋友都可以试。
西班牙伊比利亚黑毛猪
-肥瘦相间，肉味浓，呢个都叫咗几次。
*小食*
虾胶酿油条
-比较少见，好彩虾饺非常薄，所以煮嘅时间唔会太耐，因为如果煮过龙嘅话油条就会太淋。
炸鱼皮&响铃
-本来以为放喺出面任攞会好淋，但系都非常香脆。
各类冷盘小食同埋丸
-自助区仲有各类冷盘小食同埋丸类，选择都多。
手工包饺子
-内里有好多肉汁，但小心煮得太耐令到个皮太淋。
饮品有好多罐装饮品选择，我自己就钟意手工冷泡茶，洛神花茶同玫瑰花黑枸杞茶冇糖之余又可以解渴解油腻。
仲有甜品软雪糕，但系食到最后已经好饱，所以冇食到🤣
张贴
