影片
更多
2022-10-07
124 浏览
平时都少去荃湾果头，今次难得入黎，一于试下人气大热嘅荃湾台式小店！呢间餐厅连MM都有报道过，经常排晒长龙，一路食，外边啲人一路望入嚟睇有咩食同埋几时有位！小店由港台夫妇一齐经营，每一款菜式都好有故事。食物原汁原味由台湾厨师炮制，系连台湾人都觉得正宗台湾味道嘅台菜！餐厅虽然坐到满晒，但都算有空间感，张枱摆满啲菜都唔会好迫；用QR code落单📱，够晒方便！------------------------------🐓◖盐酥鸡套餐◗ $85一个套餐试晒必点嘅九层塔盐酥鸡同卤肉饭，仲可以用优惠价跟埋一杯嘢饮！盐酥鸡超级酥脆，椒盐味好香好惹味😛！会跟餐跟一碗细嘅卤肉饭，半肥瘦卤肉入口软糯，采用台湾蓬莱米，米粒有咬口，平均沾满卤肉嘅肉汁，配埋啲少少辣嘅咸菜，几好嘅配搭！🥘◖秘制花雕麻油鸡汤◗ $52私心推荐👍🏻！好浓郁嘅当归同埋其他药材味，真材实料冇味精，饮落少少回甘，系妈妈煲汤嘅味道～个汤都有几多鸡件，而且肉质食落唔会干柴，但个汤略嫌鸡油多咗啲。🧀◖肉松起司蛋饼◗ $38食台湾菜最期待就系佢个蛋饼！呢款蛋饼系手抓饼嘅质地，有好多层嘅酥皮，香脆有口感，面头有一堆香葱，芝士咸咸地，肉松又甜甜地，一
------------------------------
🐓◖盐酥鸡套餐◗ $85一个套餐试晒必点嘅九层塔盐酥鸡同卤肉饭，仲可以用优惠价跟埋一杯嘢饮！盐酥鸡超级酥脆，椒盐味好香好惹味😛！会跟餐跟一碗细嘅卤肉饭，半肥瘦卤肉入口软糯，采用台湾蓬莱米，米粒有咬口，平均沾满卤肉嘅肉汁，配埋啲少少辣嘅咸菜，几好嘅配搭！
🥘◖秘制花雕麻油鸡汤◗ $52
私心推荐👍🏻！好浓郁嘅当归同埋其他药材味，真材实料冇味精，饮落少少回甘，系妈妈煲汤嘅味道～个汤都有几多鸡件，而且肉质食落唔会干柴，但个汤略嫌鸡油多咗啲。
🧀◖肉松起司蛋饼◗ $38
食台湾菜最期待就系佢个蛋饼！呢款蛋饼系手抓饼嘅质地，有好多层嘅酥皮，香脆有口感，面头有一堆香葱，芝士咸咸地，肉松又甜甜地，一齐食味道好有层次！
🥓◖椒盐甜不辣◗ $28
甜不辣切到薯条咁，咬落佢似比较烟靭嘅鱼肉手指，几香鱼鲜味，落咗椒盐够晒惹味！
🧋◖大红袍珍珠奶茶◗ 跟餐+$15
大红袍茶味好香，而且珍珠唔会太甜，有个备注栏位，可以俾我写走甜，好贴心！
🧋◖仙草乌龙奶茶◗ $25
叫咗少甜，乌龙奶茶够浓够顺喉，茶底好正！
🌟Encore指数：9/10
------------------------------
小店嘅嘢食好抵食，价钱好抵而且够大份！有好多地道嘅台湾菜式系出面比较少见，好似大肠包小肠呢啲～佢啲食物够晒地道正宗，私心推荐佢嘅药膳汤，好香药膳嘅味道，真系值得一试；佢嘅珍珠奶茶都几好饮，茶底香浓，分分钟仲好饮过出面果啲台式饮品！
张贴
