十十四川料理 (已結業)

Yoho開咗一間新四川餐廳！價錢都好公道，都幾抵食！食物質素同味道非常好！所以係物超所值！佢個地點喺一期嘅外邊，如果唔熟呢個商場就要搵吓路啦！我自己覺得地點非常之好，因為佢望住外邊，環境非常舒服！我同老公同三個仔星期一晚六點前坐低，都已經full咗一半，生意都唔錯，因為好快就已經full晒！好彩我哋都有訂枱！我反而最介紹係個水煮魚！佢用咗啲炸蒜一齊煮，非常之香！酸菜魚亦都係推介之一，麻辣味亦適中！食到個口麻晒，但係唔太需要飲水！我哋叫咗普通辣！其他菜式都中規中矩，我係嫌個雞絲伴麵唔夠醬！Overall，呢一餐非常滿足！平時一定會再嚟！招牌酸菜魚 $168辣子雞丁 $88雞絲拌麵 $58四季豆雞肉炒飯 $78蔥爆牛肉 $88水煮魚米線 $88