影片
更多
2024-08-12
152 浏览
Odelice! 呢间餐厅以前喺湾仔返工team lunch就会去食！记忆中都几好味，今日喺荃湾行街发现原来荃湾都开咗！晚市仲有啲超抵食套餐，于是就嚟咗食。我哋见到晚餐二人套餐，包两个前菜/甜品+两个主菜都只系五百几蚊，如果要top up item都只系加少少，好似好吸引！于是我哋叫咗忌廉煮青口、橙酒可丽饼、油甘鱼海鲜锅、肉眼扒（配薯条）。另外仲加咗两杯嘢饮。首先嚟既系饮品，卖相精美，我叫呢杯系Mocktail，有好浓既香蕉椰奶味，味道清新，份量好好多，饮到食完餐饭都仲可以慢慢饮。同时有餐包食，呢度餐包好高质，牛油都好好味，有好香嘅海盐香。餐汤方面系南瓜汤，调味好好👍🏻好味。前菜同主菜feel到系即叫即整，上菜时间上有法国食饭嘅节奏，比较chill既感觉😆首先有忌廉煮青口，不得不赞呢度嘅青口只只都好大只！食落好弹牙，好多肉，感觉鲜甜，加埋佢嘅忌廉汁，好味！然之后系牛扒，一上菜已经闻到好大浸好香嘅牛肉味！切开见到煎得好靓，肉质唔错，牛味香，佢配嘅酱料非常夹，更加突出佢嘅鲜味。薯条都系好高质，份量多，新鲜炸出。然之后系油甘鱼海鲜锅，一上菜又系闻到好香嘅鲜味，呢一个菜式都系有大大粒嘅青口食！
我哋见到晚餐二人套餐，包两个前菜/甜品+两个主菜都只系五百几蚊，如果要top up item都只系加少少，好似好吸引！于是我哋叫咗忌廉煮青口、橙酒可丽饼、油甘鱼海鲜锅、肉眼扒（配薯条）。另外仲加咗两杯嘢饮。
首先嚟既系饮品，卖相精美，我叫呢杯系Mocktail，有好浓既香蕉椰奶味，味道清新，份量好好多，饮到食完餐饭都仲可以慢慢饮。
同时有餐包食，呢度餐包好高质，牛油都好好味，有好香嘅海盐香。餐汤方面系南瓜汤，调味好好👍🏻好味。
前菜同主菜feel到系即叫即整，上菜时间上有法国食饭嘅节奏，比较chill既感觉😆首先有忌廉煮青口，不得不赞呢度嘅青口只只都好大只！食落好弹牙，好多肉，感觉鲜甜，加埋佢嘅忌廉汁，好味！
然之后系牛扒，一上菜已经闻到好大浸好香嘅牛肉味！切开见到煎得好靓，肉质唔错，牛味香，佢配嘅酱料非常夹，更加突出佢嘅鲜味。薯条都系好高质，份量多，新鲜炸出。
然之后系油甘鱼海鲜锅，一上菜又系闻到好香嘅鲜味，呢一个菜式都系有大大粒嘅青口食！仲有啲蚬，两样都系啲肉大粒弹牙，海鲜锅嘅调味都好出色，唔知点解有啲龙虾汤感觉！至于中间嘅煎油甘鱼，捞埋啲酱汁食都几惹味，口感方面就视乎食边个部位，有啲部位会比较实净，有啲软身少少，整体上都系比较实净嘅口感～
食到呢度已经好满足，再加埋最后嘅橙酒可丽饼，原来仲有表演睇！店员会喺你面前落火枪，会见到有啲好型嘅火焰～唔使几秒之后就食得啦！有好浓嘅橙酒，味道唔错，如果加旧云呢拿雪糕就更加完美啦！
满足的一餐！
张贴
