影片
更多
2022-10-19
839 浏览
天海 weekday menu $500/位+10% at least 2位起临近一个识左24年嘅兄弟生日(听落好似我好大年纪咁😮💨)，好耐冇一齐食饭，约到食饭紧系食好d。日本食野嘅传统系一坐低叫杯野饮先，一杯high ball同一杯樽生(樽装生啤)润下喉先。前菜：赤身+中拖罗(?)配山药泥虽然冇讲明系咩部位，但以外观黎睇相信系赤身同中拖罗，厚切睇落好开心，虽然厚切但完全冇筋。平时食惯酱油渍赤身，呢件冇腌渍过嘅赤身少左平时熟悉嘅酸味，但仍然有足够鲜味，亦冇腥味；中拖罗比赤身多左几分油香，配番多少少山葵比较好，但两件刺身同样有山药泥，所以唔会食到山葵呛鼻嘅味道，亦增加左滑溜嘅口感。天妇罗：海虾+盐虾肉弹牙，虾味浓郁，尾部嘅壳可以食埋，但唯一觉得差少少嘅系中间未到半生熟咁，可以中间做到刺身嘅口感，但都系高水准嘅作品。鱚鱼+汁鱚鱼即系沙鮻，做到外皮香脆，内𥚃软嫩，入面嘅鱼肉有蒸鱼嘅口感，鱼肉水份充足，鱼味都浓郁(天妇罗严格黎讲系响高温油炸当中，以外皮包覆食材，外皮嘅水份同食材本身嘅水份响外皮入面蒸煮食材，所以做得好嘅天妇罗入面应该系水嫩多汁唔会干身)。纹甲乌贼+盐完全唔韧，可以轻易咬断，口
临近一个识左24年嘅兄弟生日(听落好似我好大年纪咁😮💨)，好耐冇一齐食饭，约到食饭紧系食好d。
日本食野嘅传统系一坐低叫杯野饮先，一杯high ball同一杯樽生(樽装生啤)润下喉先。
前菜：
赤身+中拖罗(?)配山药泥
虽然冇讲明系咩部位，但以外观黎睇相信系赤身同中拖罗，厚切睇落好开心，虽然厚切但完全冇筋。
平时食惯酱油渍赤身，呢件冇腌渍过嘅赤身少左平时熟悉嘅酸味，但仍然有足够鲜味，亦冇腥味；中拖罗比赤身多左几分油香，配番多少少山葵比较好，但两件刺身同样有山药泥，所以唔会食到山葵呛鼻嘅味道，亦增加左滑溜嘅口感。
天妇罗：
海虾+盐
虾肉弹牙，虾味浓郁，尾部嘅壳可以食埋，但唯一觉得差少少嘅系中间未到半生熟咁，可以中间做到刺身嘅口感，但都系高水准嘅作品。
鱚鱼+汁
鱚鱼即系沙鮻，做到外皮香脆，内𥚃软嫩，入面嘅鱼肉有蒸鱼嘅口感，鱼肉水份充足，鱼味都浓郁(天妇罗严格黎讲系响高温油炸当中，以外皮包覆食材，外皮嘅水份同食材本身嘅水份响外皮入面蒸煮食材，所以做得好嘅天妇罗入面应该系水嫩多汁唔会干身)。
纹甲乌贼+盐
完全唔韧，可以轻易咬断，口感爽弹，鲜味唔错。
莲藕+汁
口感爽脆，算系清脆多汁，系好食嘅但冇咩太大特点。
南瓜+汁
外脆内软，口感绵密，味道香甜，南瓜甜度几高，有种食甜品嘅感觉。
帆立贝+山葵盐
中间近半生熟，但可再生多些少，外面弹牙但中间仍然有刺身𠮶种软嫩口感。鲜味香气浓，夹起未咬都闻到好浓嘅帆立贝香气，配山葵盐有少少辣辣地几fresh，好夹。
鲑 (已调味)+山椒粉&酱汁
鱼味几浓，完全冇腥味，因为山椒粉唔均匀咁洒响表面，所以每一啖味道都有变化，一啖鱼味浓一啖山椒味重，高低起伏咁变化，鲑鱼风味突出。
静冈黑鱼饼+姜蓉&汁(唔记得影就食左)
开头唔觉鱼味重，但越食鱼味越出，去到后面非常香浓，配姜蓉微微辣味更加吊出到鲜味。
水牛芝士&车厘茄
有少少糖浆响底，所以口味系甜，水牛芝士软滑香浓，车厘茄带少少清爽refresh。
虽然我唔钟意食芝士，但mozzarella系我唯一可以食到嘅芝士。
舞茸饭+汤
炊饭调味唔太浓，偏向品尝舞茸嘅香气，但都有少少清淡嘅调味。饭粒黏糯得黎带少少饭焦，焦香感令到口感同香气提升唔少。
汤系海带清汤，同样有少量菇类，清淡但唔错。
甜品：
啫喱+奇异果&蓝莓&蔓越莓
啫喱口味清淡(冇讲咩口味)，但水果先系主角，蔓越莓唔会太酸，蓝莓正常发挥，但奇异果好甜。
总结黎讲，呢个价算系非常抵食，而且晚市价黎讲真系佛心价。
38 浏览
0 赞好
0 留言
张贴
