Chalet (已結業)

假日去开荃湾区，拣咗呢间环境唔错嘅西餐！午餐有主菜、是日餐汤、面包🥯及饮品，价钱由$118-$238不等。是日餐汤系南瓜汤，够浓郁又creamy! 面包外脆内软好味道～▶️宝云酥羊架$158一份有三件羊架，用上宝云酥焗法，面上面包糠令到羊架更香！羊味香浓，肉质几腍。钟意食羊嘅人一定钟意。配菜有薯仔🥔、翠玉瓜、黄椒等等。▶️传统西班牙烤乳猪$238卖相几靓！乳猪烤得好好，外皮卜卜脆，好香又唔会有肥腻感；而且肉质又够腍。有薯蓉、甘笋等配菜。餐饮叫咗冻柠水及冻柠茶。餐厅环境唔错；服务有几好，食物性价比高！