影片
更多
2023-08-04
85 浏览
尖沙咀呢间烧肉午市套餐有好多选择，而且价钱抵食，最紧要系食物质素高。午餐包日本白饭、沙律、拌菜、泡菜、韩国紫菜、汤、饮品及甜品。我哋叫咗两个午餐，款款肉都好味😋▶️三品盛合烧肉御膳$149呢个有三款肉：牛肋肉、横隔肉、盐烧牛舌。牛肋肉有油脂感又唔会肥腻，肉质腍滑，入口好满足。横隔肉肉感较厚身，牛肉味突出，牛舌就好好味、好爽口。▶️上级牛肋肉＆上级牛脊肉烧肉二品御膳$149 呢个肉质比3品更高级少少，用上上级肉。上级牛肋肉肥美香口，油脂分泌平均。上级牛脊肉有肉质有口感，肉汁丰富。跟餐有紫菜蛋花汤几好饮，钟意佢仲有紫菜可以包饭食。饮品叫咗一个苹果汁一个橙汁。最后甜品仲有Haagendaz 雪糕。呢个午餐真系抵食！
尖沙咀呢间烧肉午市套餐有好多选择，而且价钱抵食，最紧要系食物质素高。
午餐包日本白饭、沙律、拌菜、泡菜、韩国紫菜、汤、饮品及甜品。我哋叫咗两个午餐，款款肉都好味😋▶️三品盛合烧肉御膳$149
呢个有三款肉：牛肋肉、横隔肉、盐烧牛舌。牛肋肉有油脂感又唔会肥腻，肉质腍滑，入口好满足。横隔肉肉感较厚身，牛肉味突出，牛舌就好好味、好爽口。
▶️上级牛肋肉＆上级牛脊肉烧肉二品御膳$149
呢个肉质比3品更高级少少，用上上级肉。上级牛肋肉肥美香口，油脂分泌平均。上级牛脊肉有肉质有口感，肉汁丰富。
跟餐有紫菜蛋花汤几好饮，钟意佢仲有紫菜可以包饭食。
饮品叫咗一个苹果汁一个橙汁。最后甜品仲有Haagendaz 雪糕。
呢个午餐真系抵食！
张贴
