一門 (已結業)

今晚同旧同事食饭，佢一向都系识食之人，带左我黎一门食饭。我先到，等佢期间我睇完menu,睇埋openrice已经有心水想食咩。我地坐bar台位置，睇住师傅系度烧招牌玉子，已经好想食！杂菇烧玉子食落就一般，比较淡口，唔够香～和牛，海胆应该会更好味。一门沙律，都几大盘，个沙律汁酸酸地，好岩我口味👍🏻👍🏻沙律菜非常新鲜。烧tuna系朋友推荐必食。个汁又系酸酸地，好味。唯一要弹系太薄喇，好快就食晒成碟，但都唔觉有野落肚🤣烧豆腐👍🏻块皮烧到好脆，好好味！烧牛舌，烧鸡翼都系必点！正常水准，因为好难整得唔好食。呢度环境唔错，唔会好嘈，气氛几好，慢慢食倾下计，又唔会催你交台。下次会再黎！