炑八韓烤 (已結業)

最近好多朋友带我食好嘢今日嚟到食韩烧，出乎意料又好食又抵食，2月生日更有好多嘢送，有口福了！小食包括泡菜、大荳芽、粉丝、生菜、粟米芝士、泡菜蛋全部都可以免费refill，而且全部都好食新鲜烧牛舌，腌得好好味，烧几下就食得，够薄又唔会太漏，而且都好多块叫咗只八爪鱼，估唔到原只上！成只烧太有气势了吧烧到咁上下先剪，够晒弹牙又入味然后五花肉成条上，霸气！因为厚身，都要烧耐啲，再剪开烧，估唔到又唔鞋唔韧㖞我地叫咗个人参鸡汤，味道就较为失色，无乜参味，感觉唔太韩式。猪肠干净够厚身不过略嫌酥咗啲，烧几下就食得，快！生日送三块韩牛，一啲都唔hea，好有质素生日仲送甜品，年糕多士，几得意，面包入面有年糕但味道就麻麻地其实仲影漏咗个牛肋骨煲，都好稔好入味，挂住食而生日优惠仲送咗个海带汤，又系唔记得影总括而言，呢度韩烧一啲都唔贵，当然有生日优惠就更抵啦！不过楼面唔太够人，真系做死果几位啦，辛苦晒！