築匠 (已結業)

今日有啲想食魚生飯，見到呢間日式餐廳，門面都乾淨企理，就即管嚟叫外賣自取。睇咗餐牌，價錢都唔算貴，午市最平60幾蚊就有一個魚生飯，外賣仲有九折。於是決定叫咗個三文魚，蟹棒，蟹籽丼。入去叫嘢食，職員態度好有善，仲話會有嘢飲送，魚生飯加可樂，總共係$56，價錢幾抵。樂園單唔使10分鐘就得攞，好快手。拎到返去打開個外賣，啲嘢都幾齊，豉油Wasabi都夠，仲有筷子同匙羹，都算細心。魚生飯食落都幾新鮮，尤其啲三文魚好肥美，個飯唔會太多，唔會太少，一個人食啱啱好，算係性價比高嘅魚生飯。