千両 (時代廣場)

营业中

休息中

环境3分：内里灯光偏暗，而且回转座位真系太过逼夹。枱上有任食日本酸姜，wasabi，同绿茶粉饮用。热水方面都系自己添，非常之方便，因为唔使成日叫侍应黎做，所以比三分。 卫生4分：正常日本寿司店一般干净，所以有四分。 服务2分：因为见回转上寿司款式唔太多，而且来来去去都喺𠮶几款，转左几次都选择唔落手，所以决定叫menu上啲寿司大拼盘，同时令生蚝。但等左都接近15至20分钟，问伙记都问过两次咁多，即系话叫厨房做寿司嘅时间都系比较耐，所以只得两分。 味道4分：款款寿司都非常之新鲜，而且鱼生同饭嘅比例都非常之好，尤其系拖罗，非常非常之肥美，中间只蛋有少少暖，非常特别，基本上十样嘢都系水准之上。但系三只蚝嘅味道就一般，唔系太过肥美，有一款仲系偏细添，都系寿司好食好多。 抵食4分：十款寿司各2件都只系360蚊，所以我觉得非常之抵食，但系𠮶三只蚝嚟讲只系一般般，唔系太高分，但都可以比四分。