聚寶食軒

营业中

休息中

🐔🥢🍲抵食鸡煲小炒▫️$208 / 2人餐 ☑️汤（细煲）：真系原煲上，入面有汤料，老火汤味道，应该冇咩味精 🆗招牌菜：口水鸡：虽然只系例牌，但系份量都算多，鸡肉好滑，不过个口水汁就差咗啲，味道一般般，只有辣味 ☑️炒小菜：酥脆五香卷 （+$13）由于炒小菜本身只值$75 ，所以呢款$88嘅小菜要补差价。不过呢个酥脆五香卷真系好好食，外皮炸得好脆，而里面系由腐皮、马蹄、猪肉整成，配埋一个酸辣酱真系冇得顶，食到停唔到口。 ☑️炒时蔬：干煸肉碎四季豆（+$10）四季豆炒得香口惹味，调味唔错，不过会比较油腻。 🍚饭：二人餐包两碗白饭，可以选香茅油饭或者白饭，油饭都唔使加钱所以试吓。虽然香茅油饭黄黄地，但系其实香茅味都唔算浓。☑️鸡煲（半只） -$98门口有个牌写住鸡煲半只，只系需要$98，冇理由唔试吓。呢度嘅鸡煲真系几好食，个汁辣得好过瘾，而且好惹味，半只鸡嘅份量都算多，但当然都系会有骨，配有芫荽、洋葱等配料，越煲越入味。食完鸡煲想打边炉配料就要逐样计钱。